2022/05/18
USD 2,811

Өнөөдөр үндэсний эрх чөлөө, тусгаар тогтнолоо сэргээн мандуулсны 110 жилийн ой тохиож байна

М.Төгөлдөр
2021/12/29

Өнөөдөр /2021.12.29/ Монгол Улс үндэсний эрх чөлөө, тусгаар тогтнолоо сэргээн мандуулсны 110 жилийн ой тохиож байна.

1911 оны 12 сарын 29-ний энэ өдөр  Монгол Улс 200 гаруй жил үргэлжилсэн Манж Чин гүрний ноёрхлыг эцэс болгон үндэсний тусгаар тогтнолоо зарлаж, VIII Богдыг Монгол Улсын шашин төрийг хослон баригч, хэмжээгүй эрхт хаанд өргөмжилсөн юм.

Төрийн тамга, далбаа, өргөмжлөл, хүндэтгэлийг өргөж, таван яам бүхий Засгийн газар байгуулах түүхэн шийдвэр гарган, тусгаар тогтносон Богд хаант Монгол Улсыг байгуулж байсан түүхтэй.

Ийнхүү УИХ-ын 2007 оны наймдугаар сарын 16-ны хуулиар энэ өдрийг бүх нийтээр тэмдэглэх өдөр болгон 2011 оны 12 дугаар сарын 23-ны өдөр "Нийтээр тэмдэглэх баяр, амралтын өдрийн тухай хууль"-д өөрчлөлт оруулж, энэ өдрийг баярын өдөр болгохоор хуульчилсан бөгөөд бүх нийтээр амардаг болсон билээ.


Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
192.82.74.223
Баярын мэнд. Монгол Улс үүрд мандан бадрах болтугай
Хариулах