2022/01/22
USD 2,811

О.Цогтгэрэл:Дээд шүүх АН-ын Онц их хурлыг хүчин төгөлдөр гэж үзсэн байна

Ш.АДЪЯАМАА
2022/01/03

 УИХ дахь Ардчилсан намын бүлгийн гишүүд өнөөдөр /2022.01.03/ мэдээлэл хийлээ.

УИХ-ын гишүүн О.Цогтгэрэл:

УИХ-д бүлэгтэй намын хувьд эрх баригч намын үйл ажиллагаанд үнэлэлт, дүгнэлт өгөх ёстой. Цар тахалтай байсан өнгөрсөн хоёр жилийн хугацаанд Монгол Улс цар тахалтай тэмцэхэд дотоодын нийт бүтээгдэхүүний 20 орчим хувийг зарцуулсан байна. Үүнийг дагаад Монгол Улсын өр нэмэгдэж байна. Гэтэл энэ их зардлын үр дүн хэрхэн гарсан бэ гэдэг бид бүгдийг нүдэн дээр ил байна. Уул

уурхайн томоохон төслүүдийг барьцаалж, зээл авч, халамж тарааж, өдөр хоногийг аргацааж байна. Эдийн засгаа эрчимжүүлэх бодлогоос илүүтэй пиараа эрчимжүүлсэн бодлого явуулах болсон. Өнгөрсөн долоо хоногт УИХ-аар баталсан  "Шинэ сэргэлтийн бодлого"-ыг тоймлоод харвал төрийн өмчит ААН-үүдийг олноор нэмж байгуулна гэсэн үг. 

АН-ын асуудлыг олон нийт сонирхож байгаа байх. Арванхоёрдугаар сарын 31-нд Улсын дээд шүүхийн гаргасан 11 хуудас бүхий тогтоолыг бид албан ёсоор хүлээж авсан. Дээд шүүхийн хуралдааны дараа хэвлэлүүдээр гарсан мэдээлэлд АН-ын дарга О.Цогтгэрэлийг бүртгэхээс татгалзсан гэсэн бол тогтоолоос харахад, "Арваннэгдүгээр сарын 5-нд болсон АН-ын Онц их хурлыг УДШ хүчин төгөлдөр" гэж үзсэн байна. Тиймээс бидэнд гарц, гаргалгаа нээгдэж байна. АН үндсэндээ төлөөллийн төв байгууллагаараа хууль ёсны шийдвэр гаргаад ажиллах нөхцөл бүрдлээ" гэв. 





Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
103.212.117.184
Өрөвдөлтэй амьтад
Хариулах
66.181.160.118
Тэнэгүүд
Хариулах
66.181.161.44
Ашгүй дээ.. УДШ үнэнд гүйцэгдэв болтой. Бүх үүрийн дарга нар нь тамгаа дарж гарын үсгээ зурчихсан шийдвэрийг хүчингүй. Танай намын гишүүн Эрдэнэ би дарга болноо гээд хүсэлт ирүүлсэн гэж байгаа нь эрүүл хүний ухаанд ёстой ойлгомжгүй болгож байлаа.
Хариулах
64.119.23.174
Ард түмний амьдрал хэцүү байна , Та бүхэн Эрх баригчдад шаардлага тавиарай
Хариулах