УИХ дахь МАН-ын бүлгийн хуралдаан болж, хоёр асуудал хэлэлцжээ. Эдийн засгийг сэргээх бодлогын бичиг баримт баталсантай холбоотойгоор 20 орчим хуулиудад нэмэлт өөрчлөлт оруулах асуудлыг энэ сардаа багтаах хэлэлцэх нь зөв гэж үзжээ.
Хоёрт, Засгийн газраас өргөн мэдүүлсэн Нийгмийн даатгалын багц хуулийн төслийг хэлэлцэж, Хөдөлмөр нийгмийн хамгааллын сайд А.Ариунзаяагийн мэдээллийг сонссон байна. МАН-ын бүлгээс Нийгмийн даатгалын багц хуулиар Ажлын хэсэг байгуулж, Нийгмийн бодлогын байнгын хорооны дарга М.Оюунчимэг ахалж ажиллахаар болcон байна.
Энэ талаар УИХ дахь МАН-ын бүлгийн дарга Д.Тогтохсүрэн: "Нийгмийн даатгалын багц хуулийн төслийн хүрээнд томоохон шинэчлэлүүдийг хийнэ. Тэтгэвэр өвлөгдөхтэй холбоотой, суурь тэтгэвэрийн хэмжээг нэмэгдүүлэх, нийгэм даатгал төлөгч зөвхөн нийгмийн даатгалын сангаас гадна хувийн сангуудыг сонгож даатгал төлөх олон даатгалтай байх асуудлууд туссан байна. Эхлээд ажлын хэсэг хуулийн төсөл дээр сайтар ажиллах шаардлагатай байгаа юм. Тэтгэвэрт гарах настай холбоотой асуудлыг хуулиар шийдвэрлэсэн. 2017 онд гаргасан хуулиар 60, 65 нас хүрээд тэтгэвт гарна гэж тогтоосон бол үүнийг өөрчилж 50, 55 насандаа өөрийн хүсэлтээр тэтгэвэрт гарах боломжтой гэсэн хууль гарсан. Энэ хууль цар тахалтай холбоотойгоор түр зогссон" гэлээ.
Өөрөөр хэлбэл, дөрвөн хүүхэд төрүүлж өсгөсөн, нийт ажилласан жил нь 20 жил бол эмэгтэй 50 насандаа өндөр насны тэтгэвэр тогтоолгоно. Ажилласан жилд нь 4 хүүхдийн 6 жилийг шууд оруулан тооцно гэсэн үг.
-8°C
Сэтгэгдэл (127)