Бусдад дээрэмдүүлсэн 45 настай БНХАУ-ын иргэний 1,2 тэрбум төгрөгийн эх үүсвэр юу байсан тухай олон нийт ихэд сонирхож байгаа юм.
Гадаадын иргэн болох хохирогч нь автозамын компанийн хөрөнгө оруулагч бөгөөд арванхоёрдугаар сарын 28-ны өдөр нэгэн арилжааны банкнаас бэлнээр авсан байжээ.
Цагдаагийнхан шуурхай ажиллаж сэжигтэн этгээдүүдийг өнгөрсөн шөнө буудлаас баривчилсан байна. Тухайн Хятад иргэний орчуулагч энэ хэрэгт оролцсон байх магадлалтай аж. Баривчлагдсан этгээдүүд мөнгөө Толгойтод нуусан байсан бөгөөд тэдний нэг нь өмнө нь ял шийтгэл эдэлж байсан байна.
Хэргийг эргэн сануулахад өчигдөр буюу нэгдүгээр сарын 03-ны өдөр Хан-Уул дүүргийн нутаг дэвсгэрт гадаадын иргэнийг нүүрэндээ хар өнгийн нүдээ гаргасан ноосон баг зүүсэн 4-5 үл таних этгээдүүд байрлаж байсан байранд нь нэвтрэн орж, гар хөлийг нь туузаар хүлж 1,2 тэрбум төгрөгийг дээрэмдсэн мэдээлэл цагдаагийн байгууллагад ирсэн байдаг юм.
Сэтгэгдэл (0)
Сэтгэгдэл бичигдээгүй байна