2022/01/17
USD 2,811

Хөвсгөл аймагт Эгийн голын мөс эргээ хальж урссаны улмаас 33 өрх халианд өртжээ

М.Төгөлдөр
2022/01/04

Хөвсгөл аймгийн Эрдэнэбулган суманд Эгийн голын мөс өнгөрөгч 2021 оны арванхоёрдугаар сарын 15-наас хойш бага багаар эргээ хальж улмаар 12-р сарын 20-ны өдөр тус сумын Дуурга багийн доод хэсгээр хальж айлын хашаа руу урсан орж эхэлснээр сумын хэмжээнд нийт 33 өрх халианд өртөж, өрхүүд эд хөрөнгөөрөө хохироод байгаа аж. 

Хүнд нөхцөлд орсон айл өрхүүдийг нүүлгэн шилжүүлэх, авран туслах ажиллагаа явагдаж байна. Харин өнөөдөр Байгаль орчны яамны дэд сайд Ц.Батбаяр ахалсан яамны ажлын хэсэг, АЗД-ын Орлогч Хуягбаатараар ахлуулсан ажлын хэсэг Эрдэнэбулган суманд ажиллахаар ирж байгаа тухай мэдээллээ. 

Одоогийн байдлаар халианд өртсөн 4 дүгээр багийн 3 дугаар хорооны 21 өрхийн эд хогшлыг зөөж нүүлгэн шилжүүлэн, ЗДТГ-ын 1, ЭМТ-ийн 1, ЕБС-ийн 1, Халуун усны 1 байранд нийт 4 өрхийг нүүлгэн оруулсан бол бусад айл өрхүүд хамаатан садан, ах дүүгийнхээ байранд амьдарч байгаа аж. Түүнчлэн малчин гурван өрхийн адуу 16, үхэр 125, хонь 200, ямаа 120 нийт 461 мал, 30 тн өвс, түлээ, аргал бууц нүүлгэн шилжүүлжээ. 

Үерийн далан хамгаалалтыг 2018, 2019 онд ОНХС-ийн хөрөнгөөр барьсан байдаг. Аймгийн ЗД-ын нөөц сангаас 34 сая төгрөгийн хөрөнгөөр шороон далан барих шийдвэр гарсан боловч ажил эхлээгүй байжээ.

Тиймээс арванхоёрдугаар сарын 30-ны өдөр гарсан аймгийн Засаг Даргын захирамжаар байгуулагдсан ажлын хэсгийн дүгнэлтийн дагуу шороон далан барих боломжгүй 900м газарт, мөсөн далан барьж байна.

2022 оны нэгдүгээр сарын 03-ны өдрийн нөхцөл байдлаар халиа нэмж урсан 2, 3-р багийн нутагт орж 597 мал бүхий зургаан өрх усанд автах нөхцөл байдал үүсээд байгаа тухай албаныхан мэдээллээ.  

Айлуудыг нүүлгэн шилжүүлэх үед машинууд халианд цөмөрч эвдрэн нийт 34.6 сая төгрөгийн зардал гарсан бол хохирлын хэмжээ нийт 39 сая төгрөг болсон байна.

Тус багийн нутаг дэвсгэрт нийт 135 хүн, 48 тээврийн хэрэгсэл, гурван КАМАЗ, ЗИЛ-131 машин 1, ГАЗ-66  нэг, ЗИЛ-130 самсомал 1, Ковш (50х50) хоёр, 40 суудлын автомашинтайгаар ажиллаж байгаа аж. 








Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
64.119.26.189
Гол мөрнөнтэй ойрхон буухад ийм л болно шүү дээ?Туул голын сав газартай ойрхон хотхонууд ч ийм асуудал гарна дөө
Хариулах
202.126.90.74
Umnu n ingej bgagaui ymaa. Meddeg ym shig bitiishaa
Хариулах
202.179.21.222
Голын дэргэд буусан байшин барьсан хүмүүс өөрсдөө мэдэж байсан. Байнга биш ч хэзээ нэг цагт ингэх нь ойлгомжтой.
Хариулах
103.212.117.184
Halia gardag yum bol yah gej haliatah gazart buudag buulgadag yum boldoo.
Хариулах
202.126.89.27
Ee burhan mini
Хариулах