Барилгын материалын үнийн өсөлтийг бууруулах тал дээр БХБЯ ямар арга хэмжээ авч ажиллаж байна вэ гэдгийг тус яамны ТНБД Г.Магнайсүрэнгээс шууд тодрууллаа.
Тэрбээр "Барилгын материалын ихэнхи хувийг гаднаас авдаг. Дотоодын үйлдвэрүүд мөн л түүхий эдээ гаднаас авдаг. Тээвэрлэлтийн саатлаас үүдэж барилгын материалын үнэ өссөн. Бид энэ онд арай өөр зохион байгуулалтаар ажиллаж вагоноор татан авахаар яам дундын ажлын хэсэг ажиллаж байгаа. Тээвэрлэлтийн гацаа арилвал үнэ дагаад буурна. Дэлхий дахинд ч гэсэн үнийн өсөлт адилхан байна. Дунджаар барилгын материалын үнэ 50 орчим хувиар өссөн. Энэ сард багтаан үнийн индексийг батална. Өнгөрсөн жил ипотекийн зээлд хамрагдах хүсэлтээ 20 мянга орчим иргэн материалаа ирүүлснээс 13,292 иргэн хамрагдсан. Харьцангүй зээл олголт сайжирсан учраас орон сууцны үнэ өссөн. Төрөөс хэрэгжүүлж буй орон сууцны төслүүдэд бид үнийн бодлогыг барина. Түүнээс биш орон сууцны зах зээл рүү нийтэд нь орж нөлөөлж чадахгүй" гэлээ.
Сэтгэгдэл (0)
Сэтгэгдэл бичигдээгүй байна