Ш.Алтанчимэг: Ипотекийн зээлийн урьдчилгаа 20 хувь болж буурсан, хууль нь оны өмнө батлагдсан

Ипотекийн зээлийн урьдчилгаа 30 хувийг 20 болгон бууруулж 10 хувийг Зээлийн батлан даалтын санд хариуцуулах хуулийг оны өмнөхөн баталсан талаар тус сангийн Гүйцэтгэх захирал Ш.Алтанчимэг хэллээ.

Энэ талаар тэрбээр "Банк үл хөдлөх хөрөнгийг барьцаалаад эрсдэлээ тооцоод 70 хувьд нь зээл гаргах боломжтой гэдэг. Үлдсэн 30 хувийн мөнгийг иргэн өөрөө бүрдүүлж өгөх ёстой. Гэтэл иргэд 30 хувиа бүрдүүлж өгч чадахгүй байгаа учраас 10 хувьд нь батлан даалт гаргах хуулийг өнгөрсөн аравнэгдүгээр сард баталсан. Удахгүй холбогдох журмуудад нь  өөрчлөлт ороод хэрэгжинэ" гэлээ.