Өнөөдрийн байдлаар Бүгд Найрамдах Казахстан улсад Монгол Улсын 4000 гаруй иргэн оршин сууж байна. Жагсагчид интернет болон утасны сүлжээг унагаасан учраас Монгол Улсаас Бүгд Найрамдах Казахстан улсад суугаа Элчин сайдын яамтай тогтмол холбогдох боломжгүй байгаа аж. Одоогийн байдлаар манай улсын иргэд бэртсэн, халдлагад өртсөн тохиолдол гараагүй байгаа мэдээлэл бий ч монгол иргэдийн ар гэрийнхэн нь интернэт сүлжээг тасалсан учир холбоо барьж чадахгүй, 05:00 цагаас хойш ямар ч мэдээлэлгүй санаа зовж байгаа аж.
Тайван эхэлсэн жагсаал цуглаан эмх замбараагүй байдалд шилжин, Алматы хотын жагсагчид захиргааны байр, Ерөнхийлөгчийн ордон руу халдаж нөхцөл байдал хяналтаас гараад байна. Үүнтэй холбогдуулан Монгол Улсаас Казахстан улсад суугаа Элчин сайдын яамнаас иргэддээ зориулж зөвлөмж гаргаж, жагсаалд оролцохгүй байх, гэрээсээ гарахгүй байхыг сануулсаар байгаа юм.
Сэтгэгдэл (0)
Сэтгэгдэл бичигдээгүй байна