Казахстаны Ерөнхийлөгч АБХН-ийн орнуудаас халдлагыг няцаахад цэргийн тусламж хүсэв

Казахстаны Ерөнхийлөгч К.Токаев өчигдөр 20.00 цагт /орон нутгийн цагаар/ ард түмэндээ хандаж “Төрийн тэргүүний хувьд, мөн өнөөдрөөс Аюулгүй байдлын зөвлөлийн даргын хувьд ард иргэдийн энх амгалан, аюулгүй байдлыг хамгаалахын төлөө бүхий л арга хэмжээг авна” гэж мэдэгдсэн. 

/Жич: Казахстаны анхны Ерөнхийлөгч Н.Назарбаев 2019 оны 3 дугаар сарын 20-ны өдрийг хүртэл Казахстаны Ерөнхийлөгчөөр ажиллаж байсан бөгөөд Ерөнхийлөгчийн албаа өгснөөс хойш Аюулгүй байдлын зөвлөлийн дарга, эрх баригч “Нур-Отан” намын даргын албыг нэг хэсэгтээ хашсан хэвээр байсан.  2021 оны 11 дүгээр сард тэрээр намын даргын албаа Казахстаны Ерөнхийлөгч К-Ж.Токаевт шилжүүлж, 2022 оны 1 дүгээр сарын 5-ны өдрийг хүртэл Аюулгүй байдлын зөвлөлийн дарга байв./ 

Ийнхүү байдал нэгэнт хяналтаас гарч Казахстаны Ерөнхийлөгч Аюулгүй Байдлын Хамтын Нийгэмлэгийн орнуудаас энэ олон улсын террористуудын халдлагыг няцаахад туслаач гэж хүсэлтээ явуулсан байна. Ийнхүү Оросын болон бусад орнуудын цэргийн хүчин гэрээ ёсоор орж ирэхээр болсон тухай эх сурвалжууд мэдээлж байна.