Гадаадад очсон Монгол иргэдээс омикрон хувилбар илэрсэн эсэхийг ЭМ-ийн сайд С.Энхболдоос тодруулахад, тэрбээр "Одоогоор Монгол Улсын хоёр иргэнээс омикрон хувилбар илрээгүй. Манай улс генийн дараалал тогтоодог аппараттай болсон. Энэ аппаратаар шинжлэхэд, урьдчилсан байдлаар омикрон хувилбарын сэжигтэй тохиолдол илэрсэн. Эхний ээлжид 16 сорьцыг явуулсан. Мөн 100 сорьцыг Япон руу давхар явуулсан. Энэ нь 10, 11, 12 дугаар сарын сорьцууд. Эцсийн хариу гараагүй байна. Тодорхой хугацаа ордог. Өмнө нь бид сорьцуудыг гадагш нь явуулдаг сарын дараа хариу нь гардаг байсан. Сэжигтэй 16 тохиолдлоос 10 иргэний сорьцод урьдчилсан байдлаар Омикрон илэрсэн байна. Хариу баталгаажсан цагт мэдээлэл өгнө.
Омикрон орж ирлээ гээд битгий айж сандрах хэрэггүй. Орж ирэх нь цаг хугацааны асуудал байсан. Хурдан тархаж байгаа ч гэсэн харьцангуй хөнгөн, томуу, томуу төст хэлбэртэй адилхан байна. 2021 оны арванхоёрдугаар сарын 20-ны нислэгээр Лондонд очсон монгол хүн дамжин өнгөрөх нислэгийн үеэр халдвар авсан байхыг үгүйсгэхгүй.
-10°C
Сэтгэгдэл (31)