Төрийн албаны хуулийг ноцтой зөрчсөн ТОМИЛГООНУУД

Ш.АДЪЯАМАА
2022/01/06

Цар тахлын хуулиар төрийн албанд түр томилогдсон албан тушаалтнуудыг ирэх хоёрдугаар сарын 1-нээс өмнө чөлөөлөгдөхийг Төрийн албаны зөвлөлөөс үүрэгдсэн.Тэгвэл Засгийн газар уг шийдвэрийг эсрэг болон Төрийн албаны тухай хуулийг ноцтой зөрчсөн нэгэн томилгоог өнөөдөр хийлээ. Тодруулбал, Засгийн газрын тохируулагч агентлаг-Харилцаа холбоо, мэдээллийн технологийн газар, Үндэсний хөгжлийн газрыг тус тус татан буулгаж, тус газрын даргаар ажиллаж байсан Б.Болор-Эрдэнэ, Х.Батжаргал нарыг шинээр байгуулсан хоёр яамны Төрийн нарийн бичгийн даргын үүрэг гүйцэтгэгчээр тус тус томилов.

Уг нь Төрийн албаны тухай хуульд яамны Төрийн нарийн бичгийн даргаар томилогдох бол төрийн албанд 16-аас доошгүй жил, үүнээс эрхэлсэн түшмэл буюу яамны газрын дарга, хэлтсийн даргын албан тушаалд 8-аас доошгүй жил ажилласан байх бөгөөд мэргэшүүлэх багц сургалтад хамрагдаж, төгссөн байх шаардлагатай гэсэн хуулийн заалт бий. 

Цахим хөгжил, харилцаа холбооны яамны Төрийн нарийн бичгийн даргын орлон гүйцэтгэгч Б.Болор-Эрдэнийн төрд ажилласан ажлын туршлага 1.5 жилээс хэтрэхгүй.

Б.Болор-Эрдэнийн ажлын туршлага:

  • 2011-2012 онд Азийн хөгжлийн банкны төслийн мэргэжилтэн,
  • 2012 онд Мянганы сорилтын санд туслах мэргэжилтэн,
  • 2013 онд Дэлхийн банкны төслийн хяналт, шинжилгээ, үнэлгээний мэргэжилтэн,
  • 2017 онд Их Британийн Нэгдсэн Вант Улсын Засгийн газрын Анализ шинжилгээний газар судлаач, Нэгдсэн үндэсний байгууллагын Хүнс, хөдөө аж ахуйн байгуулагад гэрээт зөвлөх,
  • 2018 онд Дэлхийн банкны Австрали Улс дах салбарт гэрээт зөвлөх,
  • 2019 онд Английн Оксфордын Их сургуультай хамтарсан “Цахим эрин дэх Монгол Улс” төслийн ерөнхий зохицуулагч,
  • 2020 оноос өнөөдрийг хүртэл Засгийн газрын Хэрэг эрхлэх газрын Цахим хөгжлийн үндэсний хорооны ажлын албаны даргаар тус тус ажиллаж байсан туршлагатай.

Харин Эдийн засаг, хөгжлийн яамны Төрийн нарийн бичгийн даргын үүрэг гүйцэтгэгч Үндэсний хөгжлийн газрын дарга Х.Батжаргалын тухайд эрхэлсэн түшмэл буюу яамны газрын дарга, хэлтсийн даргын албан тушаалд таван жил ажилласан туршлагатай байна. Тус албан тушаалд найман жил тасралтгүй ажилласан тохиолдолд яамны Төрийн нарийн бичгийн даргаар томилогдох эрхтэй. 

     Х.Батжаргалын ажлын туршлага:

  •  2003-2006 онд Үнэт цаасны хороонд мэдээлэл, гадаад харилцаа хариуцсан мэргэжилтэн
  • 2006-2008 онд Монголын залуу үеийн хөгжлийн ассоциаци ТББ-ын гүйцэтгэх захирал
  • 2012-2014 онд "Инвенто" компанийн гүйцэтгэх захирал
  • 2014-2016 онд БОНХАЖЯ-ны Байгаль хамгаалах сангийн захирал
  • 2016-2018 онд БОАЖЯ-ны Төрийн захиргааны удирдлагын газрын дарга
  • 2018-2020 онд мөн яамны Уур амьсгалын өөрчлөлт, гадаад хамтын ажиллагааны газрын даргаар тус тус ажилласан.

 


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна 10 цагийн өмнө
​Б.Баярсайхан: Намайг төрд хэрэгтэй гэвэл би нэр дэвшинэ 11 цагийн өмнө
Бага тойруугийн 30 гаруй байршилд өдрийн цагаар зогсоол хамгийн эрэлттэй байна 11 цагийн өмнө
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна 12 цагийн өмнө
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана 12 цагийн өмнө
Дөрөвдүгээр сард зохион байгуулагдах хүчит бөхийн барилдааны хуваарь 13 цагийн өмнө
Хүүхдийн паркт амьтны хүрээлэн ажиллаж байна 13 цагийн өмнө
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно 14 цагийн өмнө
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих 15 цагийн өмнө
Өнөөдөр цахилгааны хязгаарлалт хийх байршлууд 18 цагийн өмнө
Цасан шуурганаар сураггүй болсон хоёр иргэнийг хайж байна 18 цагийн өмнө
Орон даяар 16:00 цагт гамшгийн аюулын зарлан мэдээллийн дохио дуугарна 18 цагийн өмнө
ЦАГ АГААР: Зүүн аймгуудын нутгийн зүүн хэсгээр цас орж, цасан шуурга шуурна 18 цагийн өмнө
Танилц: ЗГ-ын хуралдаанаар гаргасан шийдвэрүүд Өчигдөр
Даланзадгад-Мандалговь, Цогтцэций-Мандалговь чиглэлд гарах хөдөлгөөнийг​ хязгаарлалаа Өчигдөр
"Утсаар ярьчихаад ирье" гээд гарсан 33 настай залуу алга болоод таван сар болж байна Өчигдөр
С.Чинзориг: "Д" вирустэй иргэдийн интерпирон эмийг оруулж ирэхээр хэлэлцээр хийсэн Өчигдөр
Н.Учрал: И-Монгол систем дээр эмийн жор бичих боломжтой боллоо Өчигдөр
ОБЕГ: Улаанбаатарын 976 барилгын 206 нь газар хөдлөлтөд тэсвэртэй Өчигдөр
Дундговьд 3.8 магнитудын хүчтэй газар хөдөллөө Өчигдөр