Шинэ жилийн баярын бөөгнөрөлтэй холбоотой халдварын тоо эрс нэмэгдэж, энэ хэрээр эмнэлгийн орны ачаалал нэмэгдэж байгааг мэргэжлийн байгууллагууд онцолж байна. Шинэ оноос өмнө өдөрт 200 хүртэл тохиолдол бүртгэгдэж байсан бол сүүлийн 2-3 өдөрт 400-500 болж хоёр дахин нэмэгдэв. Энэ хэрээр эмнэлгийн орны ачаалал нэмэгдэж, өдөрт 40-50 үйлчлүүлэгч ирж хэвтэж байгаа талаар ХӨСҮТ-ийн еранхий захирал Ц.Билэгтсайхан ярилаа.
ХӨСҮТ эрчимт эмчилгээний 12 ортой бөгөөд өнөөдрийн байдлаар зургаан хүн Эрчимт эмчилгээний тасагт хэвтэж байна. Улсын хэмжээнд ковидын орны 21 мянган ортой. Улаанбаатарт 6000-7000, орон нутагт 14 мянган ор дэлгэж ковидын тусламж үзүүлж байгаа. ХӨСҮТ-д одоогоор 350 ор дэлгээд байгаа аж.
Сэтгэгдэл (0)
Сэтгэгдэл бичигдээгүй байна