Багш нарын цалинг нэг сая төгрөгт хүргэнэ гэдгийг салбарын сайд Л.Энх-Амгалан өнгөрөгч Баасан гаригт /2022.01.07/ чуулганы хуралдааны үеэр хэлсэн. Энэ талаар түүнээс тодруулахад тэрбээр "Багш нарыг сургаж, хөгжүүлдэг, цалин нийгмийн хамгааллын асуудлуудыг нь үр дүнд суурилсан тогтолцоонд шилжүүлнэ. Энэ оны улсын төсөвт багшийн цалингийн гол эх үүсвэр болох нэг хүүхдэд ногдох хувьсах зардлыг бодох аргачилалд өөрчлөлт хийж, суурь цалинг нэмэгдүүлэх бодлогыг тусгасан. Үр дүнгийн урамшууллыг суурь цалингийн нэг хэсэг болгон өгнө. Багш нар энэ сараас эхлэн хамгийн багадаа 1 сая төгрөгийн цалин авахаас гадна хичээлийн хэрэглэгдэхүүндээ зарцуулах 200 мянган төгрөг нэмж авна" гэлээ.
ВИДЕО ШУУД ҮЗЭХ:
Сэтгэгдэл (0)
Сэтгэгдэл бичигдээгүй байна