Ж.Чинбүрэн: 6-аас дээш хүүхэдтэй айлын байрны урьдчилгааг төр даах гэсэн заалтыг хассан

Ш.АДЪЯАМАА

13 цагийн өмнө

Монгол хүний удмын сангийн аюулгүй байдлыг хамгаалах, хүн амын өсөлтийг дэмжих талаар авах арга хэмжээний тухай УИХ-ын тогтоолын төслийг эцсийн хэлэлцүүлгийг энэ долоо хоногт УИХ-ын чуулганаар хэлэлцэнэ. Уг тогтоолын төсөлд анхаарал татаж буй заалт болох 6 болон түүнээс дээш хүүхэд төрүүлсэн гэр бүлийг нэг удаад орон сууц худалдан авах урьдчилгаа төлбөрт нь төрөөс дэмжлэг үзүүлдэг байх эрх зүйн орчинг бүрдүүлнэ гэж тусгасан.

Энэ заалт хэвээрээ үлдсэн эсэхийг тус тогтоолын төслийн ажлын хэсгийн ахлагч УИХ-ын гишүүн Ж.Чинбүрэнгээс тодруулахад тэрбээр "Хүүхдийн тооны араас хэт хөөцөлдөнө гэж үзээд 6-аас дээш хүүхэдтэй айлын байрны урьдчилгааг төр даах гэсэн заалтыг хассан. Хүн амын өсөлтийг тооноос чанар руу хөгжүүлэх, мөн ХНХЯ-аас өргөн барьж буй Нийгмийн хамгааллын багц хууль, олон хүүхэдтэй айл өрхийг дэмжих бодлогууд уялдан орж буй. Тогтоолын төслийн долдугаар заалтад “Хүн амын өсөлт нөхөн үржихүй гэр бүлийн тогтвортой байдлыг дэмжих зорилгоор жирэмсэн эмэгтэй, эх хүүхдэд үзүүлэх эмнэлгийн үйлчилгээ, асаргаа сувилгаа, сургалтын чанар хөтөлбөрийг сайжруулах хүүхдийн тооноос хамруулан гэр бүлд дэмжлэг үзүүлэх” гэж өөрчилсөн. Яг ямар дэмжлэг байх уу гэдгийг Засгийн газраас эцэслэн шийдвэрлэнэ" гэлээ.

Монгол хүний удмын сангийн аюулгүй байдлыг хамгаалах, хүн амын өсөлтийг дэмжих талаар авах арга хэмжээний тухай УИХ-ын тогтоолын төсөлд:

Монгол хүний удмын санг цус ойртолтоос сэргийлж, цэвэр тунгалаг байлгах гол хэрэглүүр “Угийн бичиг”-ийг өрх айл бүрт шинжлэх ухааны үндэстэй, зөв аргаар хөтлүүлэн хэвшүүлэх хөтөлбөр боловсруулж, хэрэгжилтийг хангах,
Монгол Улсын хүн ам зүйн бодлогын хэрэгжилтийг хангах, удирдан зохион байгуулах, зохицуулах, хяналт тавих үүрэг бүхий төрийн бүтцийг бий болгох шийдвэрийг 2021 онд багтаан гаргаж, хэрэгжүүлэх,
Монгол Улсын нийгэм, эдийн засгийн тогтолцоо, засаг захиргаа, нутаг дэвсгэрийн зохион байгуулалт, хүн амын боловсрол, мэргэжил, ажиллах хүчний нөөц, суурьшлын нягтралтай уялдсан, төвлөрлийн эсрэг дотоод шилжилт хөдөлгөөнийг тэтгэх бодлого боловсруулан хэрэгжүүлэх,
Гадаад улсад ажиллаж, амьдарч буй иргэдээ эх орондоо ирэх таатай орчин нөхцөлийг бүрдүүлэх, тэдний эзэмшсэн мэдлэг, чадварыг улсын хөгжилд бүрэн дүүрэн ашиглах бодлого боловсруулан хэрэгжүүлэх,

Сэтгэгдэл (24)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

2607:fb90:b295:dad4:7d56:11c5:8adf:d362

2022/01/13

Ядахнаа боловсон ярьж орчин үетэйгээ зохицол доо. Утааг багасгах дахин төлөвлөлтийн хүрээнд гэрт амьдардаг өрхүүдийг хөнгөлөлттэй байрны зээлд хамруулж, гишүүдийн тоогоор татварын хөнгөлттэй олгож, урьдчилгааг төр хариуцнх гэхээр яагаад бгаа юм бэ? Хурдхан утааг багасгах арга хэмжээ аваач. Үр хөврөл гэдэг айл өрхийн, хувийн, эмэгтэйчүүдийн асуудал. Төр соц байдлаасаа сал. Тэнэг одонгоо боль.