Хаан банкны 60 хувийн хувьцааны асуудал олны анхаарал татаж буй. Энэ талаар Монголбанкны Ерөнхийлөгчөөс тодруулахад, " Хаан банк” ХХК-ийн хувьцаа эзэмшигч солигдоогүй, хувьцаа худалдах тухай эцсийн зөвшөөрлийг Монголбанкнаас олгоогүй, судалж байна"гэсэн тайлбарыг өгсөн.
УИХ-ын гишүүн Ч.Хүрэлбаатар Сангийн сайд байхдаа ХААН банкны ТУЗ-ийн дарга Савада Хидеод хандан англи хэлээр захидал бичсэн талаар хэвлэлүүд мэдээлж байв. Энэ талаар УИХ-ын гишүүн Ч.Хүрэлбаатараас тодруулахад, тэрбээр "Тийм зүйл байхгүй байх. "Хаан банк" дээр бонд гаргахтай холбоотойгоор би бичиг өгдөг. Арилжааны банкууд болон Монгол Улсын гадаадад гаргаж байгаа бондыг бага хүүтэй гаргах чиглэлээр бичгүүд өгдөг. Тийм бичгүүдийн нэг нь болов уу гэж бодож байна. Би захидлын талаар мэдэхгүй. Тэр бичгийг үзмээр байна" гэсэн тайлбарыг өгөв.
Сэтгэгдэл (0)
Сэтгэгдэл бичигдээгүй байна