Засгийн газрын өнөөдрийн хуралдаанаар сайжруулсан түлшний үндсэн түүхий эд болох мидлинг болон түлшний чанарт шалгалт хийж, лабораторийн дүгнэлт гаргах шийдвэр гаргав. Шахмал түлшинд технологийн алдаа гарсан уу гэдгийг Эрчим хүчний сайд Н.Тавинбэхээс тодрууллаа.
Тэрбээр "Өнгөрсөн онуудтай харьцуулахад шахмал түлшний хэрэглээ өссөн нь үнэн. Засгийн газраас үүрэг даалгавар өгсөн, бид ажиллаж байна. Долоо хоногийн хугацаанд маш эрчимтэйгээр агаарын бохирдлыг бууруулах, нийслэл рүү түүхий нүүрс оруулж байгаа эсэхэд хяналт тавих, сайжруулсан шахмал түлшний чанарт онцгой анхаарах зэрэг чиглэлийг Ерөнхий сайд өглөө. Хэрэглээний өсөлт бодитой юу гэдгийг мөн тогтооно. Ташаа мэдээлэл их гарч байна. Өвөл дөнгөж эхлэхэд 74 мянган тонн шахмал түлшний нөөцтэй байсан. Өнөөдөр үйлдвэрлэл хэвийн явагдаж байна. Шахмал түлшний хангамжид доголдол огт гараагүй. Шахмал түлшний стандарт, найрлагад шинжилгээ хийхэд хэвийн гэж гарсан. Бид шинжилгээний хариунд итгэнэ, өөр юунд ч итгэхгүй. Шахмал түлш чийглэг байгаа нь үнэн, гэхдээ стандартын хэмжээг хангаж байгаа. Чийгшилтээс болж байна уу гэдгийг шалгаж, тогтооё гэвэл одоо нөөцөд байгаа 24 мянган тонн шахмал түлшээр иргэдийн хэрэглээг хангая гэж ярьсан" гэлээ.
ВИДЕО ҮЗЭХ:
Сэтгэгдэл (0)
Сэтгэгдэл бичигдээгүй байна