Зөвшөөрөл, батламж, зөвшөөрлийн шинжтэй бичиг баримт, гарын үсэг хөөцөлдөх шаардлагагүй

М.Төгөлдөр
2022/01/17

Шинэ онтой зэрэгцэн нийслэлийн хэмжээнд 74 нэр төрлийн худалдаа, үйлчилгээ, аж ахуйн үйл ажиллагааг чөлөөтэй эрхлэх нөхцөл, боломжийг нээж өгсөн.

Нийслэлийн Засаг дарга бөгөөд Улаанбаатар хотын Захирагчийн 2021 оны арванхоёрдугаар сарын 20-ны өдрийн “Бизнес эрхлэх таатай орчныг бүрдүүлж, авлига, хүнд суртлыг бууруулах талаар авах зарим арга хэмжээний тухай” А/987 дугаар захирамж 2022 оны нэгдүгээр сарын 1-ний өдрөөс хэрэгжиж эхэлсэн. Ингэснээр иргэд, аж ахуйн нэгж нэр бүхий 74 төрлийн үйл ажиллагааг эрхлэхдээ ямарваа нэгэн зөвшөөрөл, зөвшөөрлийн шинжтэй баримт бичиг бүрдүүлэхгүйгээр ажиллах юм. Өмнө нь захирамжид дурдсан худалдаа, үйлчилгээг эрхлэхийн тулд хороо, дүүрэг болон нийслэлийн харьяа байгууллагуудаас зөвшөөрөл авдаг, зөвшөөрөл авахын тулд 7-14 нэр төрлийн бичиг баримт шаардаж байсан.

Тэгвэл өнөөдрийн байдлаар иргэн, аж ахуйн нэгж байгууллага ямар нэгэн зөвшөөрөл, батламж, зөвшөөрлийн шинжтэй бичиг баримт, гарын үсэг хөөцөлдөх шаардлагагүй. Төрийн байгууллагаас гарах 5 нэр төрлийн бичиг баримтыг иргэн, хуулийн этгээдийн оролцоогүйгээр төрийн байгууллагууд хоорондоо мэдээлэл солилцож, иргэн, хуулийн этгээдийн өмнөөс шаардлагатай бичиг баримтыг оруулахаар зохицуулсан гэсэн үг.

Ойлгомжтой болгох үүднээс ганцхан жишээ татъя. Урьд нь хүнсний дэлгүүр ажиллуулахын тулд иргэн, аж ахуйн нэгж дараах бичиг баримтыг бүрдүүлдэг байв.

Өөрийн бүрдүүлэх материал

  • Аж ахуйн нэгж байгууллагын албан хүсэлт, өргөдөл
  • Аж ахуйн нэгжийн гэрчилгээний хуулбар, иргэн бол цахим үнэмлэхийн хуулбар
  • Аж ахуйн нэгжийн тамгатайгаа ирэх

Төрийн байгууллагаас бүрдүүлэх материал

  • Харьяа цагдаагийн хэлтсээс теле камер, гэрэлтүүлгийн тодорхойлолт
  • Ажлын байрны галын аюулгүй байдлын дүгнэлт /Онцгой байдлын хэлтсээс авах эх хувь/
  • Хог тээврийн гэрээ /Эх хувь/
  • Татварын тодорхойлолт
  • Хорооны Засаг даргатай хийсэн “Тохижилт цэвэрлэгээний гэрээ”-ний хуулбар
  • Мэргэжлийн хяналтын байгууллагын улсын байцаагчийн дүгнэлт /Хүнсний үйлдвэр/

Үйл ажиллагаа явуулах барилгатай холбоотой бүрдүүлэх материал

  • Орчны 50 метрийн зураглал хийлгэх
  • Байгууллагын гадна, дотор талын зураг /9х12/
  • Үйлчилгээ явуулах ажлын байртай холбоотой бичиг баримт /Орон сууцанд үйлчилгээ эрхлэх бол үйлчилгээний зориулалтаар орон сууцны байрыг өргөтгөсөн тухай УБ хотын Ерөнхий менежерийн тушаалын хуулбар, түрээслэгч бол тухай барилга байгууламжийн эзэнтэй хийсэн түрээсийн гэрээний хуулбар/

Банканд тушаах шаардлагатай төлбөрийн материал

  • Гэрчилгээний үнэ 10,000 төгрөг.
  • “Үйлчилгээ эрхлэх гэрээ”-ний хураамж 3,000 төгрөг тушаасан байхыг шаарддаг байсан.

Харин одоо та хууль, дүрэм, стандартад нийцсэн байр талбайтай, хүнсийг зориулалтын бус техникээр зөөвөрлөхгүй гэдгээ мэдэж байхад хангалттай. Стандарт шаардлага хангасан гэж үзэж буй хүнсний дэлгүүрээ нээгээд явцын дунд шаардлагатай цөөн тооны баримтыг бүрдүүлэх юм.

Явцын дунд бүрдүүлэх бичиг гэдэгт хог хаягдлын гэрээ, галын аюулгүй байдлын дүгнэлт гэхчлэн тухайн иргэний эд хөрөнгийг хамгаалах чиглэлд болоод хот, нийтийн эрх ашгийг хөндөхөөргүй байхад чиглэсэн материал байхаас бус, ямарваа нэгэн зөвшөөрлийн шинжтэй баримт шаардахгүй. Нэгэнт зөвшөөрлийг халсан учир үйл ажиллагаа явуулах хугацаа, зөвшөөрөл сунгах гэсэн ойлголтыг ч мөн халсан гэдгийг тодотгоё.

Харин архи, согтууруулах ундаа худалдах, түүгээр үйлчлэх бол мэдээж хуулийн дагуу тусгай зөвшөөрөл авч таарна. Өөрөөр хэлбэл, Та дэлгүүр, ресторан, караоке, баар, жуулчны бааз, зочид буудалдаа согтууруулах ундаа худалдах, түүгээр үйлчлэх бол тусгай зөвшөөрөл авах ёстой гэдгийг анхааруулъя.

Хэрэв Та хүнсний дэлгүүр, кафедаа архи, пиво зарахгүй, бусад төрлийн хүнсний бүтээгдэхүүнээр үйлчилнэ гэж буй бол тусгай зөвшөөрөл шаардлагагүй гагцхүү хууль тогтоомж, стандартаа баримтлаад ажиллаж болно гэдгийг дахин сануулъя.

 

Эх сурвалж: НЗДТГ-ын хэвлэл мэдээлэл, олон нийттэй харилцах хэлтэс


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
"Монгол эв нэгдэл" төслийн багийнхан Завхан аймагт ажиллаж байна 4 цагийн өмнө
ТАНИЛЦ: Засгийг газрын хуралдаанаас гаргасан шийдвэрүүд 4 цагийн өмнө
Оксфорд: Монгол Улс кибер аюулгүй байдлыг хангах хөрөнгө оруулалтыг нэмэгдүүлэх шаардлагатай 5 цагийн өмнө
Арилжааны банкнууд хамтран АТМ-ны гүйлгээний шимтгэлээ 100 төгрөг болголоо 5 цагийн өмнө
Зам тээврийн осол гаргасан жолооч цагдаа дуудах шаардлагагүй 5 цагийн өмнө
Агаарын бохирдлыг бууруулах арга хэмжээний талаар НИТХ-аар хэлэлцэж байна 6 цагийн өмнө
О.Алтангэрэл: "MCS" групп төрийн нууцыг хууль бусаар олж авсан 7 цагийн өмнө
Л.Энх-Амгалан: Шинийн 4 буюу даваа гарагаас төрийн байгууллагуудын ажил, үйлчилгээ хэвийн явагдана 7 цагийн өмнө
Цагаан сарын баярын амралтыг 6-10 хоног болгох тухай өргөдөлд гарын үсэг цуглуулж байна 8 цагийн өмнө
ЭТТ: Цагаан сараас өмнө 100 мянга төгрөгийн ногдол ашгийг иргэдэд өгнө 9 цагийн өмнө
Цахилгааны мөнгө бууруулах өргөдөлд 4232 хүн гарын үсэг зуржээ 9 цагийн өмнө
Н.Гансүх Налайх дүүргийн АН-ын даргаар сонгогдлоо 9 цагийн өмнө
Олимп хотхонд 640 хүүхдийн суудалтай сургуулийн барилга ашиглалтад орлоо 10 цагийн өмнө
Чингэлтэй дүүргийн сурагчид усан спортоор хичээллэж эхэллээ 11 цагийн өмнө
ХААН Банк “Цагаан алт” хөтөлбөрийн хүрээнд “Дархан нэхий” ХК-д анхны хөнгөлөлттэй зээлийг олголоо 11 цагийн өмнө
Өнөөдөр НӨАТ-ын сугалааны тохирол болно 12 цагийн өмнө
Засгийн газрын хуралдаанаар “Эрдэнэс Тавантолгой” ХК-ын ногдол ашгийн талаар хэлэлцэнэ 12 цагийн өмнө
Алтай, Хэнтийн уулархаг нутгаар ялимгүй цас орно 12 цагийн өмнө
Улаанбаатар хот-2040 хөгжлийн төлөвлөгөөг Багануур дүүргийн иргэдэд танилцууллаа Өчигдөр
Обьектын гал түймрийн талаас илүү хувь нь санамсар болгоомжгүйгээс гарч байна Өчигдөр