Өнгөрсөн долоо хоногт 37 хүн угаартаж, нэг иргэн нас баржээ

БОАЖЯ, ЦЕГ, ОБЕГ, ЦУОШГ, Таван Толгой түлш ХХК болон бусад холбогдох албаныхан нийслэлийн агаарын чанарын өнгөрсөн долоо хоногийн мэдээллийг хүргэлээ.

Өнгөрсөн долоо хоногт хийсэн хяналт шалгалтаар түүхий нүүрс хадгалж байсан дөрөв, зориулалтын бус буюу гялгар уут шатааж байсан гурван зөрчлийг илрүүлж, мөн түлэх зорилгоор хадгалж байсан гэх 10,5 тн түүхийн нүүрсийг хураан авч "Амгалан дулааны станц"-д нийлүүлсэн байна. 

Харин өнгөрсөн долоо хоногт угаартсан талаарх 17 дуудлага ирж, 37 хүн хүнд, хөнгөн байдлаар угаартаж эмнэлгийн тусламж авчээ. Харамсалтай нь угаарын улмаас нэг иргэн нас баржээ.