НҮБ нь Тонгад болсон цунамийн дараа Номхон далайн бүс нутгийн улсуудад шаардлагатай тусламж үзүүлэхэд бэлэн гэдгээ мэдэгджээ. НҮБ-ын Ерөнхий нарийн бичгийн даргын албан ёсны төлөөлөгчийн орлогч Фархан Хака цунамитай холбоотой мэдэгдэл хийхдээ “Номхон далайн бүс нутаг НҮБ-ын салбарууд нөхцөл байдлыг анхааралтай ажиглаж байгаа бөгөөд хүсэлт ирсэн тохиолдолд туслалцаа үзүүлэхэд бэлэн” гэжээ.
Тонга арлын улсад энэ сарын 15-нд Хунга-Тонга-Хунга-Хаапай нэртэй галт уул дэлбэрсний улмаас Тонга улсын арлууд төдийгүй Япон, АНУ-ын Аляск, Вашингтон, Калифорни, Орегон мужууд, Хавайн арлуудад цунамийн анхааруулга тараагаад байна. Мөн Оросын Курилын арлуудад цунамийн түгшүүр зарласан байна. Түүнчлэн Чилийн эрх баригчид эрэг орчмын бүсүүдийг цунамийн аюулд өртөж магадгүйн анхааруулж, наранд шарлагын газруудыг хаажээ. Перу улсын Номхон далай эрэг орчим цунамийн улмаас хоёр хүн амиа алдсан тухай тус улсын цагдаагийн газар мэдээлжээ.
Сэтгэгдэл (0)
Сэтгэгдэл бичигдээгүй байна