УЗ: Эдийн засаг, хөгжлийн яамны дэд сайдаар С.Наранцогтыг томилно

Засгийн газрын ээлжит хуралдаан маргааш /2021.01.19/ хуралдахтай холбогдуулан МАН-ын Удирдах зөвлөл дөнгөж сая хуралдаж, хэд хэд томилгоог хэлэлцэн шийдвэрлэлээ.

 Тодруулбал, Эдийн засаг, хөгжлийн яамны дэд сайдаар Сангийн яамны Төрийн нарийн бичгийн дарга С.Наранцогтыг томилохоор УЗ дэмжжээ. 

Эдийн засаг, хөгжлийн яам нь шинээр байгуулагдсан бөгөөд Хөгжлийн бодлого төлөвлөлтийн газар, Бүс нутаг, аж үйлдвэрийн нэгдсэн бодлого, төлөвлөлтийн газар, Хөгжлийн санхүүжилтийн нэгдсэн бодлого, төлөвлөлтийн газар, Худалдаа, эдийн засгийн хамтын ажиллагааны бодлого, төлөвлөлтийн газар, Төрийн захиргааны удирдлагын газар, Хөгжлийн судалгаа, шинжилгээний газар, Хяналт-шинжилгээ, үнэлгээ, дотоод аудитын газар гэсэн долоон газар, найман хэлтэстэй, нийт 80 орон тоотой ажиллана.