Хөгжлийн банкнаас санхүүжилт авч, төсөл хөтөлбөрөө санхүүжүүлсэн хэдий ч авсан зээлээ хугацаанд төлж барагдуулаагүй, чанаргүй болж шүүхийн шатанд шилжсэн нэр бүхий зээлдэгчийг Хөгжлийн банкнаас олон нийтэд зарласан.
Хөгжлийн банкны нийт зээлийн үлдэгдэл 3.20 их наяд төгрөг, зээлийн үлдэгдэлд байгуулсан зээлийн эрсдэлийн сангийн хэмжээ 0.65 их наяд төгрөгтэй тэнцэж байгаа юм.
Хөгжлийн банк тойрсон асуудлын хүрээнд УИХ-ын гишүүн Ж.Сүхбаатарын байр суурийг тодрууллаа. Тэрбээр "Хөгжлийн банкны хуулийг батлах үед яг өнөөгийн нөхцөл байдлыг гишүүд ярьж байсан. Төрийн мэдэлд очсон банк дампуурдаг шүү. Улстөрчид хутгалдаад дампууруулдаг шүү гэж яриад хуулиа тухай үед баталсан. Хөгжлийн банкны асуудалд нэг намын гэхээс илүүтэй аль аль намын нөхөд оролцсон. Хөгжлийн банк үндсэн чиг үүргээрээ хөгжлийн ямар төсөлд зээл олгосон бэ гээд аваад үзвэл маш хангалтгүй. Хурдны замаас эхлээд жинхэнэ хөгжлийн төсөлд зээл олгоогүй гэсэн үг. Монгол Улс системийн авлигад орсон. Бүгд бие биедээ барьцаалагдсан. Үүнийг өөрчлөөгүйн жишээ нь Хөгжлийн банк болж байна. Хөгжлийн банк хөгжлийн тушаа авлигчдын банк болсон, шүүхийн шатанд очоод л дарагддаг" гэлээ.
Сэтгэгдэл (0)
Сэтгэгдэл бичигдээгүй байна