Буян Ухаа-2 байрны СӨХ байрладаг давхарт гал гарч, орон сууц бүхэлдээ тоггүй болжээ

Нэгдүгээр сарын 29-ны шөнийн 23:40 цагийн орчимд Хан-Уул дүүргийн Буянт Ухаа 2 хорооллын 1001-дүгээр байранд их хэмжээний гал гарсан байна. 

Тодруулбал тус байрны Сууц өмчлөгчдийн холбоо /СӨХ/ байрлаж, ажилладаг байрны B1 давхарт гал гарч, оршин суугчид угаар, утааны улмаас гадна талбайдаа гарсан байдалтай байна. Галын улмаас тус байр бүхэлдээ тог цахилгаангүй болсон байна. 

Одоогоор галыг бүрэн унтраасан байна. Оршин суугчдын зүгээс СӨХ-ны хариуцлагагүй, хэнэггүй байдлаас болж энэ байдал үүссэн хэмээн үзэж байгаа аж.  Гал гарах болсон шалтгаан нөхцлийг олж тогтоох ажил эхэлсэн байна.