Монгол Улсын Хөгжлийн банкны 1.6 их наяд төгрөг эрсдэлд орж, цаашид хэвийн үйл ажиллагаа явуулахад хүндрэл үүсээд байгаа билээ. Тус банкнаас зээлээ төлөөгүй 25 компанийн нэрийг зарлаж шүүхэд шилжүүлж байгаа талаар зарласан. Харин өчигдөр тус банкны хэвийн зээлдэгч, эргэн төлөлтийн зөрчил үүссэн, дотоод шалгалтын дараа шүүхэд нэхэмжлэх гаргах эсэхийг шийдвэрлэх аж ахуйн нэгжүүдийн нэрийг нэмж зарлав.
Ингэснээр 66 зээлдэгчийн 75 зээл олон нийтэд ил болж байна. Хөгжлийн банкнаас зээл авсан ААН-үүдийн ард улстөрчдийн хамаарал бүхий компаниуд байгаа нь нотлогдсон. Зээл нь хэвийн төлөлттэй гэсэн ангилалд нийт 14 компани байгаагийн нэг нь "Вестерн Холд" ХХК байна. Тус компани нь УИХ-ын гишүүн С.Бямбацогтын эзэмшил компани бөгөөд 2019 оны есдүгээр сарын 23-ны өдөр Хөгжлийн банкнаас 28,025,380 ам.долларын зээл авч байжээ. Одоо төлбөрийн үлдэгдэл нь 28,025,380 ам.доллар буюу 80.64 тэрбум төгрөгийн зээлийн үлдэгдэлтэй байна.
"Вестерн Холд" ХХК “ШИНЭ ХОВД” хөтөлбөрийн хүрээнд хувийн хэвшлийн хөрөнгө оруулалт, Засгийн газрын бодлогын дэмжлэгтэйгээр баруун бүсэд цементийн үнийг хямдруулах Ховд эко цементийн үйлдвэрийн томоохон бүтээн байгуулалтын ажлыг Ховд аймгийн Буянт суманд гардан хэрэгжүүлж буй.
Сэтгэгдэл (0)
Сэтгэгдэл бичигдээгүй байна