Хөгжлийн банкны зээлтэй холбоотой “Өөрсдөөр нь төлүүлье” хэлэлцүүлэг "Туушин" зочид буудалд үргэлжилж байна. Хэлэлцүүлгийн үеэр зээлийн эргэн төлөлтийн нөхцөл байдлын талаар Хөгжлийн банкнаас мэдээлэл өглөө. Нэгдүгээр сарын 20-ны өдөр тус банкнаас чанаргүй зээлдэгчдийн талаарх мэдээллийг олон нийтэд зарласнаас хойш өнөөдрийн байдлаар 39 тэрбум төгрөгийн эргэн төлөлт хийгджээ. Үүний дийлэнх нь зөрчилтэй, шүүхэд хандсан зээл" гэдгийг тодотов.
Тодруулбал, УИХ-ын гишүүн Ц.Анандбазарын эзэмшдэг “Сод Монгол групп” ХХК 669.8 сая иенийн зээлээ мөн Ч.Ундрам гишүүний аавын эзэмшдэг компани болох "Вояжер минерал ресурсес" ХХК 414,1 сая иенийн зээлээ тус тус төлж барагдуулжээ.
Энэ талаар Хөгжлийн банкны Экспорт, импорт, худалдааны санхүүжилтийн газрын захирал Б.Амгалан “Сод Монгол компани өчигдрийн байдлаар зээлээ төлж барагдуулсан. 3.6 тэрбум төгрөгийн зээл төлсөн. "Вояжер минерал ресурсес" уул уурхайн компани өчигдөр 2 тэрбум, өнөөдөр 1.6 тэрбум төгрөг төлөөд зээлээ хаасан. Зээлийн зарцуулалтын тодорхой хувь нь баримтаар баталгаажаагүй" гэв.
Сэтгэгдэл (0)
Сэтгэгдэл бичигдээгүй байна