Хөгжлийн банкнаас зээл авсан "Монгол драй милк" ХХК-д холбогдох шүүх хурал 2 жил гаруй хугацаанд 11 удаа хойшилжээ

Ш.АДЪЯАМАА

2022/02/13

Хөгжлийн банкны чанаргүй зээлээр зарлагдсан компаниуд ба эздийн жагсаалтад “Алтай констракшн” ХХК-ийн захирал Х.Бат-Эрдэнийн хамаарал бүхийн "Монгол драй милк" ХХК дахин орсон. Дахин гэж тодотгож буй учир нь 2019 оны есдүгээр сарын 5-нд прокурорын байгууллагад Хөгжлийн банкнаас зээл аваад эргэн төлөхгүй төрд хохирол учруулж байгаа буюу авсан зээлээ хугацаанд нь төлөөгүй, хугацаат график алдагдсан гэж үзэн "Эрэл", "Хөтөл" ХК, "ТОСК" ТӨХК, "Монгол драй милк", "Кью Эс Си", "Капитал банк"-ийг компанийг прокурорын байгууллагад шилжүүлж байв.

Гэвч өнөөдрийг хүртэлх хугацаанд "Монгол драй милк" ХХК зээлээ төлөөгүй улсыг хохироосоор байна.

Тус компани нь хөдөө орон нутгуудад 60 ширхэг хуурай сүүний үйлдвэр байгуулж дотоодын зах зээлийг хуурай сүүгээр бүрэн хангаж, тэр ч бүү хэл гадаад руу экспортлох төслөөрөө Хөгжлийн банкнаас 15 сая ам.доллар буюу 47 тэрбум төгрөгийн зээл авч байв. Мөн зээлийн барьцаа болох хамаарал бүхий аж ахуйн нэгжүүдийн хөрөнгө нь 47 тэрбум төгрөгийнхөө 10 хувьд ч хүрэхгүй үнийн дүнтэй байснаас гадна сүүний үйлдвэр байгуулаагүй буюу зээлийг зориулалт бусаар ашигласан учир 2019 оны есдүгээр сарын 23-нд шүүхэд шилжүүлсэн байдаг. Гэвч 2019 оноос хойш өнөөдрийг хүртэлх хугацаанд шүүх хурал нь нийтдээ 11 удаа хойшилжээ.

Уг асуудалтай холбогдууж, “Алтай констракшн” компанийн захирал Х.Бат-Эрдэнийг хоёр сар орчим хугацаанд хорьж байгаад 2019 оны есдүгээр сарын 28-нд батлан даалтад гаргасан.

“Зээлээ төлөхгүй ААН-үүдийг шүүх хяналтын байгууллагад шилжүүлээд зээлийг нь төлүүлэх гэхээр хамгийн багадаа 70 сар буюу зургаан жилийн хугацаа зарцуулагддаг" гэдгийг Хөгжлийн банкны Экспорт, импорт, худалдааны санхүүжилтийн газрын захирал Б.Амгалан хэлж байсан. Энэ байдал "Алтай констракшн” ХХК-ийн захирал Х.Бат-Эрдэний хамаарал бүхийн "Монгол драй милк" ХХК-д давтагдаж байна. Учир нь "Монгол драй милк" ХХК-ийг шүүхэд шилжүүлснээс хойш 2.4 жил орчим гацаж байна.

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

102.89.46.44

2023/12/14

БҮГДЭЭРЭЭ САЙН УУ!!!!! Бид олон нийтэд мэдээлэхийг хүсч байна; Та бөөрийг худалдахыг хүсч байна уу? Та санхүүгийн хямралын улмаас бөөрийг зарж борлуулах боломжийг эрэлхийлж байна уу, юу хийхээ мэдэхгүй байна уу? Дараа нь бидэнтэй холбоо бариад DR.PRADHAN.UROLOGIST [email protected] хаягаар бид танд бөөрнийх нь хэмжээгээр санал болгох болно. Яагаад гэвэл манай эмнэлэгт бөөрний дутагдалд орж, +91424323800802. имэйл: DR.PRADHAN.UROLOGIST [email protected] Yнэ: $780, 000 (Долоон зуун, Наян мянган доллар)

Хариулах

Шинэ мэдээ