Хөгжлийн банкнаас зээл авч шалгагдаж буй МАН-ын гишүүдэд ямар хариуцлага тооцох талаар МАН-ын Хяналтын ерөнхий хорооны дарга Б.Баярбаатар дараах тайлбарыг өглөө.
Тэрбээр "Манай намын нэр бүхий гишүүд Хөгжлийн банкны асуудалд холбогдсон. Зээл авсан нэр бүхий хүмүүсийг яллагдагчаар татагдсан тухай мэдээлэл байхгүй байгаа учраас бид хуулийн байгууллагууд руу хүсэлт явуулж тус бүрийнх нь лавлагаа мэдээллийг авахаар шийдвэрлэлээ. Хяналтын хороо бол улс төрийн хариуцлага оногдуулдаг байгууллага. Тэр хүрээнд бид Хөгжлийн банкны асуудалд холбогдсон гишүүдээсээ албан тайлбар авна. Ажлын гурав хоногт багтаан албан тайлбараа ирүүлэхийг үүрэг болголоо. Өнөөдрөөс эхлэнХяналтын ерөнхий хороо Хөгжлийн банкны асуудлыг хэлэлцэж эхэллээ гэсэн үг. Цааш цаашдаа холбогдох шийдвэрийг цаг алдалгүй гаргана" гэв.
Ажлын гурав хоногт багтаан дараах найман хүнээс албан тайлбар авна.
ҮҮНД:
УИХ-ын гишүүн Ц.Анандбазарын хувьд МАН-ын Хяналтын ерөнхий хорооноос 2021 оны тавдугаар сард намаас түдгэлзүүлэх шийдвэр гаргасан. Ц.Анандбазар одоо МАН-ын бүх шатны үйл ажиллагаа, намын бүлгийн хуралд оролцохгүй байгаа. Тиймээс энэ хүний бид хэлэлцэх шаардлагагүй. Тухайн хэрэг нь шийдэгдсэний дараа намын гишүүнчлэлээ сэргээх боломжтой аж.
Л.Элдэв-Очир дипломат албанд томилогдсон учраас намын гишүүнчлэлээс түдгэлзсэн.
УИХ-ын гишүүн асан Ц.Гарамжаваас холбогдох тайлбарыг авч болно.Бичгээр ирүүлсэн тайлбар нь байгаа.
УИХ-ын гишүүн Ч.Ундрам Хөгжлийн банкнаас зээл авсан тухайн цаг үед улс төрд нөлөөлөл бүхий албан тушаалтан биш мөн МАН-ын гишүүн биш байсан. Төрийн үйлчилгээний алба хаагч байсан. Хоёрт, УИХ-ын гишүүн Ч.Ундрамын аавын компани нь бизнесийн зорилгоор зээл авсан гэсэн тайлбараа ирүүлсэн гэдэг хариултыг тэрбээр нэмж өглөө.
Сэтгэгдэл (0)
Сэтгэгдэл бичигдээгүй байна