Томоохон зах, худалдааны төвүүдийг Хөшигийн хөндий, Эмээлт, Налайх руу нүүлгэнэ

Улаанбаатар хотын төвлөрлийг сааруулахын тулд зах, бөөний худалдааны төвүүдийг хотын зах руу үе шаттайгаар нүүлгэн шилжүүлэхээр төлөвлөжээ. Учир нь томоохон зах, худалдааны төвүүд нь хотын төвийн гол зам дагуу байрладаг нь замын хөдөлгөөнд ачаалал үүсэхэд нөлөөлдөг гэж үзжээ.

Улмаар зах, худалдааны төвүүдийг Хөшигийн хөндий, Эмээлт, Налайх зэрэг бүсэд худалдаа эрхлэгчдийг үйл ажиллагааны чиглэлээр нь суурьшуулахаар төлөвлөсөн байна.

Зах, худалдааны төв ажиллахгүй өдөр ойролцоох уулзваруудаар зорчих тээврийн хэрэгслийн тоо 10-15%-аар буурдаг гэх тооцооллыг Нийслэлийн сургалт, судалгаа, олон нийттэй харилцах газраас гаргажээ.