Харьков хотын оюутнуудын ар гэрийн төлөөллийг ГХЯ-ны удирдлагууд хүлээн авч уулзлаа

 Украинд  манай улсын тус улсад 27 оюутан байгаа. Тэднийг яаралтай татаж авахыг шаардаж, Харьков хотын оюутнуудын ар гэрийнхэн ГХЯ-ны гадаа тайван жагсаал хийж байна.

• Киевд 9,
• Харьковд-15,
• Кривой Рогт-2,
• Львовд -1 оюутан суралцаж байна. 

ГХЯ-наас энэ сарын 26, 27-нд 21 оюутны тийзийг захиалж, Истанбулаар дамжуулан авчрахаар төлөвлөж байсан ч Украины бүх нислэгүүд зогссон. Хэрэв асуудал нааштайгаар шийдэгдэж, 26, 27-нд агаарын хил нь нээгдвэл оюутнуудаа авчрах боломж бүрдэнэ гэдгийг ГХЯ-наас мэдээлсэн.

Хэрэв агаарын хил нээгдэхгүй бол Польш, Чех эсвэл Унгар улс хүртэл авто замаар дамжин тэндээс нислэг хийхээр төлөвлөж буй.