ОХУ-ын Батлан хамгаалах яам мэдэгдэл хийж, Донбассыг хамгаалах байлдааны ажиллагаа эхэлснээс хойш Украйны талын амссан хүн хүчний бус хохирлын хэмжээг зарлажээ. Оросын тал өндөр нарийвчлалтай зэвсгээр цохилт өгч Украйны байлдааны дэд бүтцэд хамааралтай 83 объектыг жагсаалаас гаргасан байна. Эдгээр нь шатахууны төв, цэргийн казарм, удирдлагын төв ба штабууд, агаарын довтолгооноос хамгаалах локаторын төвүүд, цэргийн нисэх хүчний нисэх буудлууд, сум ба галт хэрэгслийн агуулахууд байжээ. Түүнчлэн Донбассын орчим Оросын цэрэг ба салан тусгаарлагчдын хүчний эсрэг агаараас цохилт өгөхийг оролдсон Украйны хоёр Су-27 сөнөөгч, хоёр Су-24 бөмбөгдөгч, Туркээс авсан “Байрактар ТБ-2” байлдааны дрон хоёрыг унагажээ.
Түүнчлэн Украйны тал Оросын десант-дайралтын бүлгийн 1 рот цэрэг бууж өгч, олзлогдсон тухай мэдээлж байсан ч энэ мэдээлэл нь цагийн явцад өөрчлөгдөн 1 салаа цэрэг болон багасаад байснаа удалгүй толгой тагнуулд явсан хоёр орос цэргийг бүслэн байлдсаны эцэст нэг нь амиа алдаж, нөгөөх нь шархдан олзлогдсон гэж мэдэгдээд байна. Мөн Украйны талын унагасан гээд байсан Су-25 дайрагч онгоцыг Оросын тал техникийн гэмтлээс болж осолдсон болохын тодруулаад нисгэгч нь шүхрээр амжилттай газардаж, удалгүй өөрийн цэргийн байрлалд эсэн мэнд эргэж ирсэн гэдгийг онцолжээ.
Сэтгэгдэл (0)
Сэтгэгдэл бичигдээгүй байна