Н.Мандуул: Хөгжлийн банканд 50 орчим тэрбум төгрөгийн зээлийн эргэн төлөлт хийгдээд байна

Хөгжлийн банкны удирдлагууд мэдээлэл хийж байна. Энэ оны нэгдүгээр сарын 20-ны өдөр тус банкнаас чанаргүй зээлдэгчдийг зарласан. Үүний дараа мөн нийт зээлдэгч нарын болон үлдэгдэл зээлийн талаар мэдээллийг өгсөн билээ. 

Энэ талаар Хөгжлийн Банкны гүйцэтгэх захирал Н.Мандуул хэлэхдээ

 Олон нийтэд нээлттэй мэдээллийг өгснөөс  хойш муу зээлийн эргэн төлөлтөд тодорхой ахиц гарч байна.Өчигдрийн байдлаар Хөгжлийн Банканд 50 орчим тэрбум төгрөгийн зээлийн эргэн төлөлт хийгдсэн. Үүнд сэтгэл ханаж болохгүй. Нийт чанаргүй зээл 1.8 их наяд төгрөг. Өнгөрсөн нэг сарын хугацаанд бид муу зээлүүдийн үнэлгээ болон хяналт шалгалтыг хийж байна. Энэ ажил өнөөдрийн байдлаар 75 орчим хувийн гүйцэтгэлтэй явж байна. Мөн  түүнчлэн УИХ-аас ажлын хэсэг байгуулагдаж, ажлын хэсгийн дэд хэсэг манай банкинд бүтэн өдөржин ажиллаж байна. Түүнчэн АТГ болон Эрүүгийн цагдаагийн газартай хамтран ажиллаж зээлдэгчдийн тодорхой мэдээллийг өгч ажиллаж байгаа" гэлээ.

2022 оны 01 дүгээр сарын 20-ны өдрөөс 02 дугаар сарын 24-ний өдрийн хооронд дараах ажлууд хийгдсэн байна.

• МУХБ-ны Гүйцэтгэх захирлын тушаалаар Хяналт, шалгалтын ажлын хэсэг байгуулагдаж, МУХБ-аас санхүүжүүлсэн нийт 66 зээлдэгчийн бизнесийн үйл ажиллагаа, төсөл, хөтөлбөрийн хэрэгжилт, зээлийн зарцуулалт, барьцаа хөрөнгийн чанар, байдлыг газар дээр нь хянан шалгаж байгаа бөгөөд одоогийн байдлаар хяналт шалгалтын ажлын гүйцэтгэл 75 хувьтай байна.
• Монгол Улсын Их Хурлын даргын захирамжийн дагуу байгуулагдсан ажлын хэсэг өнгөрөгч 10 хоногийн хугацаанд МУХБ-нд байрлан ажиллаж байгаа бөгөөд нийт 27 удаагийн уулзалтаар 21,000 орчим хуудас цаасан суурьт баримт бичиг, 26.000 хуудастай дүйцэхүйц файл материал, нийт 47.000 орчим хуудас бүхий баримт бичгүүдийг хүлээлцсэн.
• Энэ хугацаанд Монгол Улсын Хөгжлийн банкнаас АТГ газарт болон Эрүүгийн цагдаагийн албаны эдийн засгийн гэмт хэрэгтэй тэмцэх газарт тухайн зээлдэгч бүрийн хувийн хэрэгт багтаж байгаа баримт бичгүүд болох зээлийн хорооны шийдэр, ТУЗ-ын тогтоол, холбогдох дүгнэлт, танилцуулгууд багтсан нийт 20.000 орчим хуудас бүхий цаасан суурьт  баримт бичгийг хүлээлгэн өгсөн.