Монголбанкны Ерөнхийлөгч Б.Лхагвасүрэнгийн хүү Л.Тэмүүжин: Би Хөгжлийн банканд дадлагажигчаас эхэлж ажилласан

Хөгжлийн банкны удирдлагууд мэдээлэл хийж байна. Сарын өмнө зээлдэгчдийг тус банкнаас олон нийтэд зарласнаас хойш 49.7 тэрбум төгрөгийн зээлийн эргэн төлөлт хийгджээ. Энэ үеэр сэтгүүлч Н.Өнөрцэцэг Хөгжлийн банкны Хөрөнгийн удирдлагын газрын захирлаар Монголбанкны Ерөнхийлөгч Б.Лхагвасүрэнгийн хүү Л.Тэмүүжин ажилладаг. Энэ нь  ашиг сонирлын зөрчилтэй юм биш үү гэдгийг шууд асуулаа. 

Түүний асуултад  Хөгжлийн банкны Хөрөнгийн удирдлагын газрын захирал Л.Тэмүүжин  хариулахдаа тэрбээр "Би Хөгжлийн банканд 2013 оноос хойш ажиллаж байна. Анх тухайн онд дадлагажих хугацаандаа ажиллаж түүнээс хойш мэргэжилтэн, ахлах мэргэжилтэн, хэлстийн захирал, нэгжийн зохицуулагч, эх үүсвэрийн хэлстийн захирлаар ажиллаж байгаад 2020 оноос Хөрөнгийн удирдлагын газрын захирлаар ажиллаж байна. Миний голлон хариуцан ажилладаг ажил бол гадны хөрөнгө оруулагчидтай харилцах, хөгжлийн томоохон төслүүдэд шаардлагатай санхүүжилтийн эх үүсвэрийг босгох зэрэг ажлыг хариуцдаг. Үндсэн ажил маань зээл гэхээсээ илүүтэй гадагшаа харилцдаг гэсэн үг. Ашиг сонирхлын зөрчилтэй эсэхийг тухайн байгууллагууд нь тогтоох байх. Албан тушаалд томилогдохдоо ХОМ болон ашиг сонирхлын мэдүүлгээ өгч байсан" гэлээ.