Ясны үйлдвэр барихаар авсан зээлээ үнэт эдлэлийн бизнес, үнэтэй машин худалдан авахад зарцуулжээ

Ш.АДЪЯАМАА
2022/02/25

“Кредос” компани Малын яс боловсруулан органик уураг, тос гарган авах үйлдвэрийг барих зорилгоор Хөгжлийн банкнаас 2017 онд 794 сая иен, 2020 онд нэмж 2 тэрбум төгрөг тус тус авчээ. Өнөөдрийн байдлаар нийт үлдэгдлийн хэмжээ 25 тэрбум төгрөг. Тэгвэл тус компани авсан зээлийнхээ ердөө 6 тэрбумыг л үйлдвэр барихад зарцуулж, үлдсэн 15 орчим тэрбум төгрөгийг үнэт эдлэлийн худалдааны бизнес болон үнэтэй машин худалдан авахад зарцуулжээ. Өөрөөр хэлбэл зээлийг зориулалтын бусаар ашигласан байна.

Тус үйлдвэрийн төлөөлөл Н.Оюунбат “Өөрөөр нь төлүүлье” хэлэлцүүлэгт оролцох үеэрээ Ковид-19-өөс шалтгаалан экспорт хийж боломжгүй болсон нь зээл төлөлт хийж чадахгүйд хүргэж байгаа тухайгаа хэлж, жирийн бизнес эрхлэгчдээ харж үзэхийг хүсч байсан. Жинхэнэ бизнес эрхлэгчийн дүрээр хэлэлцүүлэгт оролцсон тус компани Хөгжлийн банкнаас авсан их хэмжээний бага хүүтэй зээлээ тэс ондоо бизнест зарцуулж, үнэтэй машин худалдан авч тансаглаж байгаа нь харамсалтай. Эндээс уйлан дугарч, учир шалтгаан тоочсон бүхний цаана үнэн байхгүйг харж болохоор байна. Үүний дээр тус компани зээл авахдаа 9.9 тэрбум төгрөгийг төслийн мөнгөн урсгалаас, 2.2 тэрбумыг Ирээдүйд бий болох хөрөнгөөр баталгаажуулсан байгаа нь анхаарал татна. Зээлийн эргэн төлөлт хийгдэхэд хүндрэлтэй гэж хэлж болох юм. Тус компанийн барьж байгуулсан жижиг үйлдвэр нь 6 тэрбум орчим төгрөгөөр үнэлэгдэнэ гэдгийг Хөгжлийн банкны Үйл ажиллагаа хариуцсан дэд захирал Ж.Эрхэмбаатар хэлж байсан юм.


Энэ тухай тэрбээр "Протений үйлдвэр байгуулна гээд зээл авчихсан. Сэндвичэн байшинд тоног төхөөрөмжтэй жижигхэн үйлдвэр байгуулаад түүнийгээ 20 гаруй тэрбумаар байгуулсан гээд байгаа. Үнэлгээгээр бол зургаа орчим тэрбум төгрөг гэж үзсэн. Зөрүү мөнгийг нь худалдаа, үнэт эдлэлийн бизнест оруулаад, үнэтэй машин авчихсан. Ингэж ёс зүйгүй, зориулалтын бусаар зээлээ зарцуулсны дараа КОВИД-ийн нөлөө гэдэг ч юм уу эсвэл ажлын байр бий болгож байна гэдэг сайхан үгээр далдалсан энэ гэрээний зөрчлийг арилгуулахаар ажиллаж байна" гэв.

Дашрамд дурдахад, малын яс боловсруулах үйлдвэр барихад 2 тэрбумаас илүүгүй зардал гарна гэдгийг зарим эх сурвалж хэлж байгаа. Гэвч тус компани 20 гаруй тэрбум төгрөгийн яс боловсруулах үйлдвэр барих зорилгоор Хөгжлийн банкнаас зээлж авсан байдаг.



0
angry
0
care
0
haha
0
liked
0
love
1
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Ц.Цэрэнпунцаг: Надаар манай нам дутахгүй ч эхлүүлсэн том ажлуудаа гүйцээх хүсэл байна 4 цагийн өмнө
​Б.Баярсайхан: Намайг төрд хэрэгтэй гэвэл би нэр дэвшинэ 6 цагийн өмнө
Бага тойруугийн 30 гаруй байршилд өдрийн цагаар зогсоол хамгийн эрэлттэй байна 6 цагийн өмнө
Сэлэнгэ аймгийн ОБГ: Ц.Гансүхийг хайхад бэлэн байгаа ч уул руу цас их тул хайлт үр дүнгүй байх эрсдэлтэй байна 7 цагийн өмнө
Маргааш нийслэлийн зургаан дүүрэг болон Төв аймгийн зарим байршилд цахилгаан хязгаарлана 7 цагийн өмнө
Дөрөвдүгээр сард зохион байгуулагдах хүчит бөхийн барилдааны хуваарь 8 цагийн өмнө
Хүүхдийн паркт амьтны хүрээлэн ажиллаж байна 8 цагийн өмнө
ЭМЯ: Ямар ч лоббид өртөхгүй электрон тамхины хуулийг оруулна, олон нийтийн газар татахыг хориглоно 9 цагийн өмнө
Б.Чойжилсүрэн: 10 хүн угаартаж нас барсан байна лээ, хариуцаж байгаа хүнээс нь очоод асуучих 10 цагийн өмнө
Өнөөдөр цахилгааны хязгаарлалт хийх байршлууд 13 цагийн өмнө
Цасан шуурганаар сураггүй болсон хоёр иргэнийг хайж байна 13 цагийн өмнө
Орон даяар 16:00 цагт гамшгийн аюулын зарлан мэдээллийн дохио дуугарна 13 цагийн өмнө
ЦАГ АГААР: Зүүн аймгуудын нутгийн зүүн хэсгээр цас орж, цасан шуурга шуурна 13 цагийн өмнө
Танилц: ЗГ-ын хуралдаанаар гаргасан шийдвэрүүд Өчигдөр
Даланзадгад-Мандалговь, Цогтцэций-Мандалговь чиглэлд гарах хөдөлгөөнийг​ хязгаарлалаа Өчигдөр
"Утсаар ярьчихаад ирье" гээд гарсан 33 настай залуу алга болоод таван сар болж байна Өчигдөр
С.Чинзориг: "Д" вирустэй иргэдийн интерпирон эмийг оруулж ирэхээр хэлэлцээр хийсэн Өчигдөр
Н.Учрал: И-Монгол систем дээр эмийн жор бичих боломжтой боллоо Өчигдөр
ОБЕГ: Улаанбаатарын 976 барилгын 206 нь газар хөдлөлтөд тэсвэртэй Өчигдөр
Дундговьд 3.8 магнитудын хүчтэй газар хөдөллөө Өчигдөр