Украйны удирдлага Оросын армийн эсрэг партизаны дайныг эхлүүлэх зорилгоор Киев болон бусад хотуудад хүссэн хүн бүрд АКМ74 автомат буу тараах болжээ. Хотын оршин суугчдаас бичиг баримт асуухгүй, бүртгэл явуулахгүй, хүссэн хүнд өгч байгаа тул хоёр өдрийн дотор 20 мянган автомат тарааж амжжээ. Украйны эрх баригчдын тооцоогоор АК буутай болсон Киев хотын оршин суугчид сайн дураар партизаны бүлэг болон нэгдээд Оросын армийн эсрэг идэвхтэй тэмцэл өрнүүлэх ёстой.
Гэвч Украйны ТВ, интернэт хэрэглэгчдийн ярьж байгаагаар АК буутай болсон украйнчууд Оросын армийг эсэргүүцэхийн тулд эвлэлдэн нэгдсэн нэг ч тохиолдол бүртгэгдээгүй байна. Харин ч эсрэгээр зарим нь үнэгүй авсан АК буугаа 50 мянган гривнээр үнэлэн интернэт дэлгүүрээр зарж эхэлсэн бол өөр зарим нь шөнө дөлөөр бүлэглэн гарч үнэт эдлэлийн дэлгүүр, валют солилцооны цэгүүдийн дэлбэлж эхэлсэн бол гурав дахь эртний өст хүмүүстэйгээ тооцоо бодож эхэлсэн гэж байна. Ийнхүү хотын эрүүгийн нөхцөл байдал сүүлийн хоёр өдрийн дотор эрс муудсан тул оршин суугчид гэрээсээ гарахгүй байхыг хичээх болжээ.
Сэтгэгдэл (0)
Сэтгэгдэл бичигдээгүй байна