Монгол Улсын Хөгжлийн банк дэргэдээ хөрөнгө оруулалтын “Ди Би эм ассет менежмент” болон тоног төхөөрөмжийн түрээсийн үйл ажиллагааны “Ди Би Эм лизинг” гэсэн хоёр охин компани байгуулсан.
Тэгвэл охин компани болох “Ди Би Эм лизинг” ХХК нь Хөгжлийн банкнаас 2017 оны долдугаар сарын 28-ны өдөр 10 сая ам.долларын зээл авч байжээ. Хөгжлийн банкны зээлдэгчдийг олон нийтэд зарласнаас хойш тус компани 3.1 тэрбум төгрөгийг буцаан төлжээ.
“Ди Би Эм лизинг” ХХК нь 2017 оны зургадугаар сард байгуулагдсан.Өөрөөр хэлбэл Хөгжлийн банкны охин компани болж байгуулагдсан даруйдаа зээл авсан гэсэн үг.
Тус компани Монголдоо хамгийн том тоног төхөөрөмжийн түрээсийн үйлчилгээ үзүүлэгч байгууллага. Тус компани атрын 3-р аяны хүрээнд зөвхөн тариалан эрхлэлтийг дэмжих сантай хамтран 20 гаруй сая ам.долларын 835 ширхэг тоног төхөөрөмжийг газар тариалан эрхлэгчдэд санхүүгийн түрээсээр олгож байжээ.
Сэтгэгдэл (0)
Сэтгэгдэл бичигдээгүй байна