Цахилгаан автобусаар парк шинэчлэл хийх 17.2 тэрбумын зээлийн 4.6 тэрбумыг нь төлжээ

Хөгжлийн банкны зээлдэгчдийн хэн нь зээлээ төлж эхэлсэн бэ гэдэг мэдээллийг бид цувралаар хүргэж байгаа билээ. 

Тус банкны анхаарал хандуулах зээлийн жагсаалтад орсон "Зорчигч тээвэр гурав" ОНӨААТҮГ-т Хөгжлийн банк 2020 оны арванхоёрдугаар сард 17.2 тэрбум төгрөгийн зээлийг Засгийн газрын тогтоолоор олгосон байдаг. 

Цахилгаан автобусаар парк шинэчлэл хийх төслийн хүрээнд  3.7 жилийн хугацаатайгаар авсан уг зээлийн хүүгийн төлбөрт 1.9 тэрбум төгрөгийг 2021 оны нийслэлийн төсвийн тодотголоор төлөхөөр тусгаснаас 1.7 тэрбум төгрөгийг төлжээ. Мөн хамгийн сүүлд буюу энэ оны нэгдүгээр сарын 20-ны өдрөөс хойш 4.6 орчим тэрбум төгрөг төлсөн байна.