Сангийн сайд Б.Жавхлан МАН-ын бүлгийн хуралдаанаар хэлэлцсэн асуудлаар өнөөдөр /2022.04.04/ сэтгүүлчдэд мэдээлэл өглөө.
Тэрбээр "Үүсээд байгаа нөхцөл байдалтай уялдуулж Засгийн газар өдөр тутмын амьдралд нөлөөлдөг гол нэрйин бараа бүтээгдэхүүн болох шатахуун, мах, гурил зэрэг өргөн хэрэглээний барааны үнийг тогтвортой байлгах тал дээр хуулийн зохицуулалт хийхээр Засгийн газар хэлэлцсэн. Энэхүү үнийн хөөрөгдөл бол эрэлтээс шалтгаалж, зөвхөн нийлүүлэлтээр зохицуулагддаг нөлөөлөл биш. Геополитикийн асуудалтай холбоотой энэ хуулийг боловсруулсан. Бид үүсч буй шокуудад маш сайн анализ хийх ёстой. Нэгдүгээрт, бид нийлүүлэлтийн "шок"-нд орж болохгүй. Импортлогчдын хувьд татан авах хөрөнгө мөнгө дээр асуудал үүсч байна. Мөн махны үнийг тогтвортой барих, нийлүүлэлтийг хэвийн байлгахад анхаарна.
Долдугаар сарын 1-нийг хүртэл нөөцийн махыг одоо байгаа үнээр барих: Мөн гурил, будаа зэрэг байна. Энэ жилийн тариалалтаас эхлээд өнгөрсөн жилийн нөөцөлсөн тариа, будааг хэрхэн хуваарилах, хүргэх зэрэг дээр анхаарна.
Монгол Улсад зөвхөн үнийн хөөрөгдөл үүсээгүй. Тиймээс бүх зүйл дээр хяналт тавих боломжгүй. Мах, шатахуун, гурил дээр төрөөс эхний ээлжид зохицуулалт хийнэ. Энэ зохицуулалтыг УИХ дээр ард түмэнд ил тод, нээлттэй ярина" гэлээ.
Сэтгэгдэл (0)
Сэтгэгдэл бичигдээгүй байна