УИХ дахь МАН-ын бүлгийн хуралдаанаар таван асуудал хэлэлцэхээр төлөвлөжээ. Тодруулбал,
1. 2022 оны төсвийн тодотгол
2. Эрүүгийн хуульд нэмэлт, өөрчлөлт оруулах тухай
3. Эрүүгийн хэрэг шүүхэд хянан шийдвэрлэх тухай хуульд нэмэлт, өөрчлөлт оруулах тухай
4. Зөрчлийн тухай хуулийн шинэчилсэн найруулга
5. Зөрчил шалган шийдвэрлэх тухай хуульд нэмэлт, өөрчлөлт оруулах тухай
Эдгээр асуудлыг хэлэлцэж байна. 2022 оны төсвийн тодотгол болон бусад асуудлаар Ерөнхий сайд бүлгийн гишүүдэд мэдээлэл өгч байна. Төсвийн хэмнэлтийн тухай хуулийг энэ долоо хоногт УИХ-д өргөн барих юм.
Энэ удаагийн төсвийн тодотгол хэмнэлтийн бодлогод илүүтэй чиглэгдэнэ. Өнгөрөгч Баасан гаригт Ерөнхий сайд мэдээлэл хийх үеэрээ тэрбээр "Төсөвт байгууллагуудын оффис, театр, музей, цогцолбор бусад талбайн зардлуудыг хасахаа мэдэгдсэн.
Төсвийн хэмнэлтийн тухай хуулиар дараах зүйлсийг зохицуулна.
- Төрийн өмчит нийт 39 аж ахуйн нэгжийг олон нийтийн шууд хяналтад оруулах, 10 компанийг нэгтгэн нийлүүлэх, цаашид төр оролцох шаардлагагүй санхүүгийн эрсдэлтэй 10 компанийг татан буулгах, худалдах арга хэмжээ авна.
- Хот суурин газарт зөвхөн сайд, аймаг, нийслэлийн Засаг дарга нар суудлын жижиг оврын автомашин хэрэглэнэ.
- Цаашид төрийн өмчид байгаа автомашинуудыг бусад тээврийн хэрэгслээс ялгах улсын дугаарын өнгөтэй болгоно.
- Чиг үүргийн давхардлыг арилгаж, төрийн бүтээмжийг дээшлүүлж, шинээр орон тоо нэмэгдүүлэхгүй.
- Хэмнэх боломжтой бүхий л зардлыг 10-15 хувь хэмнэнэ.
- Гар утасны зардал, зочин төлөөлөгч хүлээж авах, бэлэг авах зардлыг төрөөс төлөхгүй бөгөөд гадагшаа томилолтоор явахдаа зөвхөн энгийн ангиллаар зорчиж, үндэсний авиа компаниар үйлчлүүлнэ.
- Төрийн тусгай албан хаагчаас бусад албан хаагч дүрэмт хувцас хэрэглэхгүй байна.
- Төрийн байгууллагууд сургалт, семинар, зөвлөлгөөнийг зөвхөн цахимаар зохион байгуулна.
Сэтгэгдэл (0)
Сэтгэгдэл бичигдээгүй байна