УИХ-ын гишүүн Ч.Хүрэлбаатар Хөгжлийн банкны асуудлаар шалгуулахад бэлэн гэв

Ш.АДЪЯАМАА
2022/04/19

Хөгжлийн банкны  1.7 их наяд төгрөгийн зээлийн багц чанаргүй зээлийн ангилалд орсон. Үүнээс 2022 оны дөрөвдүгээр сарын 18-ны өдрийн байдлаар нийт 159,389,484,088 /Нэг зуун тавин есөн тэрбум гурван зуун наян есөн сая дөрвөн зуун наян дөрвөн мянга наян найм/ төгрөгтэй тэнцэх хэмжээний зээлийн эргэн төлөлт хийгджээ. 

Зээлийн ангиллаар авч үзвэл хэвийн зээлдэгчийн ангилал дахь зээлийн эргэн төлөлт 28,156,373,362 төгрөг, анхаарал хандуулах ангиллын зээлийн эргэн төлөлт 62,319,000,692 төгрөг, чанаргүй зээлийн ангиллын зээлийн эргэн төлөлт 35,760,039,067 төгрөг тус тус төлөгдөөд байна.

Хөгжлийн банкнаас зээл авч зээлээ цаг хугацаандаа төлөөгүй ААН-үүдийн ард улстөрчдийн хамаарал бүхий компаниуд байгаа нь нотлогдсон. Түүнчлэн ирэх оны сүүлээр төлөх "Самурай" бонд мөн  500 саяын бондын төлбөр гээд нийтдээ 800 сая ам.долларын зээлийг Хөгжлийн банк төлөх учиртай. Тиймээс тус банкны чанаргүй зээлийг даруй төлүүлэх нь хамгийн чухал байгаа юм. 

Хөгжлийн банкны чанаргүй зээлийн асуудал гэнэт үүсчихээгүй нь ойлгомжтой. Сар бүр зээлийн эргэн төлөлтийг хянаж, зохих ёсны арга хэмжээнүүдийг авч ажиллах нь ямар ч  банкны өдөр тутмын ажлын нэг хэсэг нь. Гэтэл Хөгжлийн банкны нийт зээлийн талаас дээш хувь нь чанаргүйд хүрч, банкны үйл ажиллагаа доголдох хэмжээнд оччихоод байхад хариуцсан байгууллага, Засгийн газрын албан тушаалтнууд нь зохих ёстой арга хэмжээг аваагүй дуугүй өнгөрсөнд мөн хариуцлага яригдах ёстой. 


Учир нь Хөгжлийн банкны тухай хуульд дээр заасанчлан Хөгжлийн банкны санхүүгийн үйл ажиллагаатай холбоотой асуудлыг санхүү, төсвийн асуудал эрхэлсэн Засгийн газрын гишүүнээр дамжуулан Засгийн газарт хүргэх. Мөн "Хөгжлийн банкны зохистой харьцааны шалгуур үзүүлэлтийг тогтоох, түүнд хяналт тавих журам, активыг ангилах, активын эрсдэлийн сан байгуулах, зарцуулах журмыг санхүү төсвийн асуудал эрхэлсэн Засгийн газрын гишүүний саналыг харгалзан Монголбанк батална" гэж хуульчилжээ. 

2017 онын аравдугаар сарын 20-ны өдрөөс хойш  2021 оны нэгдүгээр сарын 28 хүртэл  Сангийн сайдаар ажиллаж байсан УИХ-ын гишүүн Ч.Хүрэлбаатар мөн тухайн хугацаанд дэд сайдаар ажиллаж байсан Х.Булгантуяа нар яагаад Хөгжлийн банкны чанаргүй зээлийн асуудад арга хэмжээ аваагүй явцгаав гэдэгт хариуцлага хөндөгдөх учиртай. Тэгвэл үүнтэй холбоотойгоор Сангийн сайд асан Ч.Хүрэлбаатар шалгуулахад бэлэн гэдгээ мэдэгдэв. Тэрбээр энэ тухай "Шалгуулъя, шалгуулъя, ямар ч асуудалгүй. Өмчлөгчийн хувьд асуудал ярих гэж байгаа бол эхлээд Хөгжлийн банк, ЗГХЭГ-ын дарга нар шалгуулах нь зөв. 2020 оны дөрөвдүгээр сараас хойших асуудлаар бид хоёр шалгуулъя. Хяналт шалгалтаар бол Монголбанк шалгуулна биз" гэжээ. 




0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
Г.Сайханбаяр: Ажиллагааны оронд ажиллаж байсан туршлагатай алба хаагчдаа бид илгээсэн 4 цагийн өмнө
Монголын баг "Газиантеп" хотын нисэх буудалд газардлаа 5 цагийн өмнө
Танилц: Засгийн газрын хуралдаанаас гаргасан шийдвэрүүд 5 цагийн өмнө
Х.Болорчулуун: 5.5 сая үхрийг 13 тэрбум төгрөгөөр ээмэгжүүлнэ 5 цагийн өмнө
Ж.Ганбаатар: Хөрөнгийн биржийг түшиглэн нүүрсээ зарна 6 цагийн өмнө
Зөвлөлдөх уулзалтад 800 орчим иргэн санамсаргүй түүврээр сонгогдож оролцоно 6 цагийн өмнө
Х.Нямбаатар: Төрийн албанд шимигчилж амьдардаг хүмүүсийг шүүрдэн чөлөөлнө 6 цагийн өмнө
​Дэлхийн 70 гаруй орон Турк улсад тусламж үзүүлэхээ мэдэгдлээ 6 цагийн өмнө
Сирид хүйг нь тасалж амжаагүй дөнгөж төрсөн нярайг нурангиас аварчээ 8 цагийн өмнө
БНХАУ-ыг зорих Монголчуудын анхааралд 9 цагийн өмнө
Б.Гэрэлзаяа: Хүндхэн нөхцөлд орсон хүмүүст мэргэжлийнхээ ачаар тусалж байгаад баяртай байна 10 цагийн өмнө
Зафер Атеш: ​Монголын ард түмний сайхан сэтгэлийг Туркийн ард түмэн хэзээд мартахгүй 10 цагийн өмнө
Б.Ууганбаяр: Бидний мэргэжлийн стандарт нэг учраас аврах ажиллагаанд хүндрэл гарахгүй 10 цагийн өмнө
Туркийн ЭСЯ эмгэнэлийн дэвтэр нээнэ 11 цагийн өмнө
Г.Занданшатар: Төрийн албаны бүх шатанд авлигын үндсийг таслан зогсоох ёстой 11 цагийн өмнө
Ерөнхийлөгч асан Х.Баттулга нээлттэй сонсголд оролцож байна 11 цагийн өмнө
Tөрийн албан хаагчийн ёс зүйтэй холбоотой иргэдийн гомдлыг хянан шалгав 11 цагийн өмнө
“Улаанбаатар өвлийн наадам”-ын үеэр "City tour” хотын аяллын автобус иргэдэд үйлчилнэ 12 цагийн өмнө
​Засгийн газрын ээлжит хуралдаан үргэлжилж байна 12 цагийн өмнө
Өнөөдөр цаг агаар тогтуун байна 13 цагийн өмнө