"Сахал" Д.Эрдэнэбилэгийг хориод нэг ч хоноогүй байхад өрөө төлөхөө ХХБ мэдэгдлээ

Ш.АДЪЯАМАА
2022/04/22

Хөгжлийн банканд 506 тэрбум төгрөгийн зээлтэй Худалдаа хөгжлийн банкны ТУЗ-ийн дарга Д.Эрдэнэбилэгийг Хөгжлийн банкны зээлийн асуудалтай холбогдуулан АТГ-аас эрүүгийн хэрэг үүсгэн, яллагдагчаар татаад байсан юм. Харин прокурор түүнийг дахин гэмт хэрэг үйлдэж болзошгүй гэдэг үндэслэлээр цагдан хорих саналыг шүүхэд гаргасны дагуу  өчигдөр /2022.04.21/  Сүхбаатар дүүргийн Эрүүгийн хэргийн анхан шатны шүүх  хэлэлцээд, түүнд  нэг сар цагдан хорих, таслан сэргийлэх арга хэмжээ авах шийдвэрийг гаргаcан билээ. 

Тэгвэл өнөөдөр /2022.04.22/ Худалдаа хөгжлийн банкнаас Ерөнхий сайд Л.Оюун-Эрдэнэд Хамтарсан ажлын хэсэг байгуулах саналыг хүргүүлжээ. Тодруулбал, уг саналдаа Хөгжлийн банкан дээр үүсээд байгаа 192.6 тэрбум төгрөгийн өр төлбөрийг ойрын хугацаанд төлж барагдуулахаа мэдэгджээ. 

Өөрөөр хэлбэл тус банкны ТУЗ-ийн дарга Д.Эрдэнэбилэгийг хоригдоод нэг хононгуут нь өрөө төлж барагдуулахаа мэдэгдсэн нь өнгөрсөн хугацаад Хөгжлийн банкны өрийг төлөх санхүүгийн боломжгүйдээ бус төлж барагдуулах сонирхолгүй байсныг илтгэж байна. 

Худалдаа хөгжлийн банкнаас Ерөнхий сайд Л.Оюун-Эрдэнэд Хамтарсан ажлын хэсэг байгуулах саналыг хүргүүлсэн албан бичгийг бүрэн эхээр нь хүргэж байна. 

Эрхэм Танд энэ өдрийн мэндийг хүргэхийг ялдамд цар тахлын үеийн эдийн засгийг эрчимжүүлэх, эдийн засгийн тусгаар тогтнол, бие даасан байдлыг ханган бэхжүүлэх, “Алсын хараа-2050” Монгол Улсын урт хугацааны хөгжлийн бодлого хэрэгжих суурь нөхцлийг бүрдүүлэх, хөгжлийн хязгаарлагч хүчин зүйлийг цаг алдалгүй шийдвэрлэх зорилго бүхий “Шинэ сэргэлтийн бодлого”-ыг хэрэгжүүлэх зорилтод нь амжилт хүсээд, манай банк уг бодлогыг хэрэгжүүлэхэд бүрэн дэмжиж ажиллахаа үүгээр илэрхийлж байна.

Тус банкны харилцагч “Кью Эс Си” ХХК-ийн хэрэгжүүлж буй Уул уурхайн, металлургийн цогцолбор барих төслийг манай банк анхнаас нь дэмжин санхүүжилтийг олгож, төслийн үндсэн зээлдүүлэгчээр ажиллаж ирсэн билээ.
Харилцагчийн зүгээс Засгийн газрын 2022 оны 4 дүгээр сарын 13-ны өдрийн 148 тоот тогтоолоор “Кью Эс Си” ХХК-тай 2014 оны 4-р сарын 4-ний өдөр байгуулсан Концессын гэрээг цуцалсантай холбогдуулан тус компани болон “Дарханы төмөрлөгийн үйлдвэр” ХК-ийн Уул уурхайн, металлургийн цогцолбор барих төсөл зогсонги байдалд орсон тухай мэдээллийг банканд ирүүлсэн бөгөөд үүсээд байгаа нөхцөл байдалтай уялдуулан тус банкнаас авсан зээлийн төлбөрийг хэрхэн төлж барагдуулах талаар уулзахад Монгол Улсын Хөгжлийн банкан дээр үүсээд байгаа 192.6 тэрбум төгрөгийн өр төлбөрийг ойрын хугацаанд төлж барагдуулах асуудал дээр манай банкны дэмжлэгийг хүсэж, тус банк болон Төрийн өмчийн бодлого, зохицуулалтын газартай хамтарч ажиллах саналыг ирүүллээ.

Манай банк дээрх төслийн бүтээн байгуулалтын ажилд санхүүгийн үйлчилгээ үзүүлсний хувьд төслийг санхүүжүүлэгч нараас зээлсэн зээлийн төлбөрийг төлж барагдуулах, Дарханы төмөрлөгийн үйлдвэрийн цаашдын хэвийн үйл ажиллагааг хэрхэн дэмжих, санхүүжүүлэх зэрэг асуудлаар хамтран ажиллах бүрэн боломжтой гэж үзэж, банк дотроо ажлын хэсэг байгуулаад байна.

Иймд, Төрийн өмчийн бодлого, зохицуулалтын газраар ахлуулсан, манай банк болон компанийн төлөөлөл орсон ажлын хэсэг байгуулж, дээрх асуудлуудыг шийдвэрлэх саналыг хүлээн авч, зөвшөөрөл олгож өгөхийг хичээнгүйлэн хүсье" гэжээ. 


0
angry
0
care
0
haha
0
liked
0
love
0
sad
0
wow

Сэтгэгдэл (0)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

Сэтгэгдэл бичигдээгүй байна

Шинэ мэдээ
“1072 хувьцааны ноогдол ашиг дансанд нь ороогүй иргэд үнэт цаасны данс нээлгээгүй байна” 13 цагийн өмнө
Эхийн алдар одонгийн мөнгийг 26-нд олгоно 13 цагийн өмнө
Хилийн цэргийн алба хаагч осгож амиа алджээ 14 цагийн өмнө
АНУ зудад хамгийн хүнд нэрвэгдсэн 2700 өрхөд малын тэжээл, эм, мөнгөн тусламж үзүүлнэ 14 цагийн өмнө
Залуу малчин: Малаа амьд байгаа дээр нь борлуулах санаатай 20 хоньтой сумаасаа ирлээ 14 цагийн өмнө
Монголбанк хоёрдугаар сард 1281 кг үнэт металл худалдан авлаа 14 цагийн өмнө
Монголын үндэсний музейн ажилчид Ч.Номин сайдын томилгоог эсэргүүцэв 15 цагийн өмнө
ҮХЦ-ийн гишүүний баримтлах зарчим, хориглох зүйлсийг заасан хуулийн төслийг өргөн барилаа 15 цагийн өмнө
"Метроны зөвлөх үйлчилгээнд зарцуулах 54 сая ам.доллар их мөнгө биш" 15 цагийн өмнө
Хүүхдийн эрх зөрчсөн 40 иргэнийг нийт 12 сая төгрөгөөр торгожээ 15 цагийн өмнө
“Чингис хааны музейг үзвэл түүхийн хичээлдээ онц гарна гэж бодоод иртэл оруулсангүй” 16 цагийн өмнө
П.Сайнзориг: Есөн дүүргийг шинэчлэхгүй бол зарим дүүрэг 5 мянга хүрэхгүй хүнтэй байна 16 цагийн өмнө
П.Сайнзориг: Энэ жил авто зам ашигласны төлбөрөөс орж ирдэг 77 тэрбум төгрөгөөр зам засварын ажил хийнэ 17 цагийн өмнө
Музейн нээлттэй өдрүүдийн хүрээнд 26,000 гаруй иргэн музей үзжээ 17 цагийн өмнө
"Өнөр бүл төв"-өөс насанд хүрч гарсан 4 хүүхдийг жолоочийн сургалтад хамруулахаар болжээ 17 цагийн өмнө
"Монголын боловсролын хувирган өөрчлөлт-2024" үндэсний чуулган эхэллээ 18 цагийн өмнө
Хөгжлийн банкны гэх хэргийн давж заалдах шатны шүүх хурал энэ сарын 7-нд болно 19 цагийн өмнө
Ерөнхий сайд Л.Оюун-Эрдэнэ төрийн албан хаагчидтай уулзалт хийж байна 19 цагийн өмнө
УОК: Хорогдсон малын тоо гурван саяыг даваад байна 19 цагийн өмнө
1072 хувьцааны ногдол ашгийг энэ сарын 25-наас олгож эхэлнэ 20 цагийн өмнө