2022/05/18
USD 2,811

“Тэрбум мод” үндэсний хөдөлгөөний хүрээнд мод тарих үйл ажиллагаа зохион байгууллаа

М.Төгөлдөр
2022/05/15

Монгол Улсын Ерөнхийлөгч У. Хүрэлсүх дэлхийн уур амьсгалын өөрчлөлтийн нөлөөллийг бууруулах, ой, усны нөөцийг хамгаалах, нэмэгдүүлэх, экологийн тэнцвэрт байдлыг хангах зорилгоор “Тэрбум мод” үндэсний хөдөлгөөнийг санаачлан эхлүүлсэн. Энэхүү санаачлагыг хүрээнд Эрүүл мэндийн яам болон харьяа байгууллагуудын төлөөлөл өчигдөр Үндэсний цэцэрлэгт хүрээлэнд 500 мод, өнөөдөр Налайх дүүргийн "Цэцэрлэгт хүрээлэнд" 80 гаруй шинэс модыг тарьж суулгалаа. Өнөөдрийн  арга хэмжээнд Эрүүл мэндийн сайд С.Энхболд, ЭМЯ-ны Төрийн нарийн бичгийн дарга Ц.Эрдэмбилэг, ТЗУГ-ын дарга П.Эрхэмбаяр болон газар хэлтсийн дарга нар, харьяа 17 байгууллагын төлөөлөл оролцлоо.                                                                                                             
 
Үйл ажиллагааг нээж Эрүүл мэндийн сайд С.Энхболд үг хэллээ. Тэрээр "Монгол Улсын Ерөнхийлөгч У.Хүрэлсүх  НҮБ-ын Ерөнхий Ассамблейн 76 дугаар чуулганд уур амьсгалын өөрчлөлт, цөлжилтийг сааруулах хамгийн үр ашигтай арга бол мод тарих явдал мөн гэдгийг онцолж, 2030 он хүртэл Монгол Улс тэрбум мод тарих санаачлага гаргасныг Эрүүл мэндийн салбарын Бид бүхэн дэмжиж, өнөөдөр энэхүү ажлын эхлэлийг тавихаар энд цуглараад байна. Өнөөдөр хүн төрөлхтний өмнө тулгараад байгаа хамгийн амин чухал асуудал бол уур амьсгалын өөрчлөлт юм. Дэлхийн эдийн засгийн хямрал, аливаа дайн дажин, цар тахлыг хүн төрөлхтөн даван туулсаар ирсэн. Манай улсын хувьд газар нутгийн 80 орчим хувь нь цөлжилтөд өртсөн, байгаль орчны нөхөн сэргээлтэд ихээхэн анхаарал хандуулах шаардлагатай болсон энэ үед үндэсний хэмжээнд мод тарих ажлыг өрнүүлэхээр болсон нь цагаа олсон онцгой ач холбогдолтой үйл явдал гэж үзэж байна. Хүн төрөлхтний оршин тогтнохуйн үндэс, байгаль дэлхийгээ хайрлан хамгаалах ариун үйлсэд хүчин зүтгэж, үр хойчдоо эрүүл агаар, эрүүл хөрс, ногоон ирээдүйг  өвлүүлэхийн төлөө Ерөнхийлөгчийн санаачлагыг дэмжиж, Тэрбум мод тарих хөдөлгөөнд нэгдэж энд ирсэн та бүхэндээ чин сэтгэлийн халуун талархал илэрхийлж, эрүүл энх, ажлын амжилт хүсье" хэмээв.
 

Мод услах үйл ажиллагаа               
 
           
 
 
 



 
 
 
Мод тарих үйл ажиллагаа
 

 

 
 
  
 

 
      
  

                                         
Мод бол байгаль дэлхийн уушги юм. Нэг хүн 18 мод тарихад насан туршдаа амьсгалсан агаараа байгаль дэлхийдээ буцааж өгдөг гэдэг.  Хэдийгээр модыг хөрсөнд суулгах нь олны хүчээр болох ажил ч түүнийг олон жилийн туршид арчилж тордох нь хамгийн чухал тул иргэн бүрийн эерэг хандлага, идэвхи оролцоо ихээхэн чухал юм. Мод тарих үндэсний хөдөлгөөнийг өрнүүлснээр Дэлхийн уур амьсгалын өөрчлөлтийн нөлөөллийг бууруулах, ой, усны нөөцийг хамгаалж, нэмэгдүүлэх, экологийн тэнцвэрт байдлыг хангахад чухал ач холбогдолтой. Ийнхүү Эрүүл мэндийн салбар “Тэрбум мод” үндэсний хөдөлгөөнд нэгдлээ.


Сэтгэгдэл (4)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.86
Mod suulgah ajil bol mod urguulah archlah ajliin 5 xan xubi.......
Хариулах
202.131.245.69
Мод таримаар байгаа бол эхлээд гэр хорооллын хашаа болгонд тариад өрхүүдээр нь арчлуулж ургуул. Бас орон сууцны хорооллууддаа моджуул. Тэнд чинь ядахдаа модоо услаад арчлаад байх боломжтой байна.
Хариулах
202.131.245.69
Наад мод тарих үйл ажиллагаагаа хүмүүсийн гэр бүлдээ зарцуулах, амрах цагаас хумсалж хийхээ болино уу. Гэр бүл үр хүүхэддээ зарцуулах цагаас нь хумслаад ургах ургахгүй нь мэдэгдэхгүй уулын мухарт нүх ухуулж, мод аваачиж булснаа сайхан мод тариад байна гэж эндүүрэхээ болино уу? Хот нь шороогоороо эргэчихсэн байхад л уулын мухарт хүнгүй газар мод тарьсан болж жүжиг тавих юм.
Хариулах
213.87.131.75
Шилдэг тавтай морилно уу секс болзоо сайт --- http://Hot24.pw
Хариулах