Төрийн байгуулалтын байнгын хороо болон УИХ-ын чуулганы нэгдсэн хуралдаанаар Үндэсний их баяр наадмын тухай хуулийн шинэчилсэн найруулгын төслийг хэлэлцэж байна. Энэхүү хуулийн төсөлд шүүмжлэлтэй хандаж байгаа гишүүдийн нэг нь УИХ-ын гишүүн Ш.Адьшаа байв. Тэрээр “Баяр наадмын тухай хуулийг зайлшгүй шинэчлэн батлах ёстой. Гэхдээ энэ хувилбараар баталж хэрхэвч болохгүй. Баяр наадам, морины уралдаан гэдэг уг нь ард түмний наадам, тусгаар тогтносон улсын баяр юм. Гэтэл сүүлийн жилүүдэд эрлийз морь улс төр хоёр хутгалдаж, эрлийз морины бизнес хийдэг бүлэглэлийн зугаа цэнгэл болж хувирсан. Наад зах нь эрлийз адуунд гишүүлсэн гүүг хамгаалах гэж монгол азаргаа тамлан, яргалах болсон нь ч нууц биш болсон хэрэг. Энэ бүхэн жирийн уяачдын нулимсийг дуслуулж байгаа. Монгол адуугаа тамлаж, хөдөөгийн уяачдынхаа нулимсаар зугаацдаг хуулийг УИХ баталж болохгүй” гэв.
Сэтгэгдэл (0)
Сэтгэгдэл бичигдээгүй байна