Г.Ганболд: Малын түүхий эд, арьс шир боловсруулахад бодлогын хэмжээнд онцгой анхаарна


УИХ-ын гишүүн Г.Ганболд, С.Чинзориг нар өөрийн сонгогдсон тойрог болох Өвөрхангай аймагт ажиллаж байна. Гишүүд Арвайхээр хот болон сумдын иргэд, малчидтай уулзаж, УИХ, Засгийн газраас хэрэгжүүлж буй бодлого шийдвэрийн талаар санал солилцож байгаа юм. Иргэдийн зүгээс улс орны эдийн засгийн нөхцөл байдал, хямралыг хохирол багатай давах төрийн бодлого,  тэтгэврийн зөрүү арилгах боломж,  ноолуурын үнэ ханш, арьс ширний урамшуулал, бэлчээрийн доройтол, эмийн үнэ, төрийн захиргааны албан хаагчдын цалин хөлс, төрөөс хүнс, хөдөө аж ахуйн талаар баримталж буй бодлого, тойрогт хийгдэж буй ажлуудын талаар гишүүдээс асуулт асууж, хариулт авч байв.

Малчдын гол анхаарал хандуулж буй асуудлын нэг нь ноолуурын үнэ ханш буурсан явдал байлаа. Өвөрхангай аймагт хавар дөрөвдүгээр сард ноолуур кг нь 150 мянган төгрөгөөр худалдан авч байсан бол одоо 80 - 90 мянгад хүрчээ. Иймд иргэд төрөөс ноолуурын үнийг тогтвортой байлгах тал дээр цаашид анхаарч, кг ноолуур 100 мянган төгрөгөөс  буурахгүй байх тал дээр анхаарч өгөхийг хүссэн юм. Энэ асуудлаар УИХ-ын гишүүн Г.Ганболд хариулт өгөхдөө “Малчдын ноолуурыг ченж нарын гараар дамжуулалгүй шууд үйлдвэрлэгч нарт хүргэх чиглэлд анхаарал хандуулна” гэлээ.


Орон нутагт ажиллаж буй төрийн албан хаагчид цалин хангамж бага байгааг учирлаж байв. 2020 оноос хойш төрийн албан хаагчдын цалин нэмэгдээгүй тул цалин хэзээ нэмэх бол гэсэн хүлээлттэй байгаа юм. Энэ асуудлаар УИХ-ын гишүүн Г.Ганболд “Аймаг, орон нутагт ажиллаж буй төрийн албан хаагчдын цалин хангамж бага байна. Тиймээс төрийн албан хаагчдын цалингийн ангилал, зэрэглэлийг нэмэгдүүлэх чиглэлээр Засгийн газарт чиглэл өгч, шийдүүлэх шаардлагатай байна. Энэ чиглэлд анхаарал хандуулж ажиллана” гэв. Төрийн албан хаагчдын цалин хангамж тааруугаас залуус орон нутагт ажиллах сонирхолгүй байдаг байна.

Түүнчлэн малчдын тавьж буй асуудлын нэг нь малыг эрүүлжүүлэх, шүлхий өвчинтэй тэмцэх чиглэлд төрөөс дорвитой арга хэмжээ авахыг санууллаа. Энэ асуудлаар УИХ-ын гишүүн Г.Ганболд “Малын гаралтай бүтээгдэхүүнийг экспортлох шаардлагатай гэж малчид үзэж байгаа. Ингэхийн тулд малын гоц халдварт шүлхий өвчинтэй далайцтай тэмцэх шаардлага байгааг хэлж байгаа юм. Жил болгон цөөн тооны мал вакцинжуулдаг. Гэтэл өвчлөл тухайн үедээ дарагддаг ч байнга шүлхий өвчин гардаг. Тиймээс улсын хэмжээнд дорвитой арга хэмжээ авч ажиллаж, халдварыг бүрэн дарах шаардлагатай байгаа талаар малчид онцолж байна. Малын гоц халдварт өвчинг байхгүй болгож чадвал, малын гаралтай бүтээгдэхүүний экспорт нэмэгдэх боломжтой юм. Түүнчлэн малын гаралтай бүтээгдэхүүнийг боловсруулах чиглэлд төрөөс анхаарал хандуулахыг малчид хүсэж байна” гэлээ.

Малчдын хувьд өөр нэг тулгамдаж буй асуудал нь залуу малчдын тоо жилээс жилд буурах болсон байна. Энэ асуудлын хувьд УИХ-ын гишүүн Г.Ганболд “Хөдөөд залуу малчид байхгүй боллоо гэж малчид хэлж байна. Ерөнхий боловсролын сургууль төгссөн залуучууд бүгдээрээ их дээд сургуульд сурдаг. Төгсөөд хот, төв суурин газар ажилладаг. Тиймээс уламжлалт мал аж ахуйгаа авч явах, мал маллах залуучууд байхгүй болж байгааг малчид ярьж байна. Иймд төрөөс залуу малчдыг дэмжих, бага хүүтэй зээлээр малжуулах төсөл хөтөлбөрийг хэрэгжүүлж залуучуудыг мал дээр гаргах бодлого хэрэгжүүлээч гэдэг асуудлыг тавьж байна. Малчдын тавьж буй энэ  асуудал зөв. Энэ асуудалд анхаарч ажиллана” гэв. УИХ-ын гишүүн Г.Ганболд, С.Чинзориг нарын тойргийнхоо иргэдтэй хийх уулзалт үргэлжилж байна.

 

 


0
angry
0
care
0
haha
0
liked
0
love
0
sad
0
wow

Сэтгэгдэл (1)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
66.181.161.27
2022/05/24
0
0
zaluu malchdiig tsalintai bolgoh heregtei hongolttei zeel tuslamj vzvvleh zereg
Хариулах
Шинэ мэдээ
Сэрэмжлүүлэг: Голууд үерийн түвшинг 5-25 см даван үерлэж байна 3 цагийн өмнө
Монголын өндөр 10 ууланд богино хугацааны авиралт хийлээ 3 цагийн өмнө
Улаанбаатар-Дархан-Уул чиглэлийн 204.11 км авто замыг 2023 оны аравдугаар сарын 30 гэхэд бүрэн дуусгаж ашиглалтад оруулна 3 цагийн өмнө
Гэсэр сүмээс Хүнсний 1-р дэлгүүр хүртэлх замыг хааж, хучилт хийнэ 4 цагийн өмнө
Түр хорооны даргаар Улсын Их Хурлын гишүүн Г.Ганболдыг сонголоо 4 цагийн өмнө
Үнийн өсөлтийн эсрэг анхаарч ажиллахыг УИХ-ын дарга Г.Занданшатар үүрэг болголоо 4 цагийн өмнө
Л.Оюун-Эрдэнэ: Дарханы замын ажлыг гүйцэтгэгчийг шалгаруулсан албан тушаалтнуудыг АТГ-т өгнө, аудит оруулна 5 цагийн өмнө
Маргааш буюу долдугаар сарын 1-ний өдөр Монгол Улсын Үндсэн хуулийн цэц байгуулагдсан өдөр 5 цагийн өмнө
Зөвшөөрөлгүй байрлуулсан, хуучирч муудсан сурталчилгааны самбарыг буулгана 6 цагийн өмнө
Д.Тогтохсүрэн: Үнийн өсөлтийн асуудлыг бүлгийн хурлаар авч хэлэлцэнэ 6 цагийн өмнө
Түр ирэгч гадаадын иргэний визийн сунгалтын хүсэлтийг цахимаар хүлээн авч байна 6 цагийн өмнө
Ж.Сүхбаатар: Ч.Хүрэлбаатар Хөгжлийн банкны асуудлыг бүтэн хоёр жил дарж нуусан гэмт хэргийн шинжтэй нөхцөл илэрсэн 6 цагийн өмнө
Г.Ёндон: Манайд АИ92 шатахууны үнэ ОХУ-аас ч хямдхан зарагдаж байна 7 цагийн өмнө
ОБЕГ: Сүүлийн нэг сарын хугацаанд усны ослоор 3-14 насны дөрвөн хүүхэд эрсэдлээ 7 цагийн өмнө
УУХҮЯ: Наадмаар шатахууны үнэ нэмэгдэхгүй, нөөц хангалттай бий 7 цагийн өмнө
Ц.Нямдорж: Би улс төр ярьдаг албан тушаалтан биш, цаг нь болохоор ҮХНӨ-ийг ярина 7 цагийн өмнө
ЦЕГ: Сүүлийн хоёр сарын дотор 8 хүүхэд мориноос унаж амиа алдаж, 5 хүүхэд хүнд бэртэж, ухаан ороогүй байна 7 цагийн өмнө
"Бүрдэл Майнинг" ХХК-ийн ус ашиглах зөвшөөрөл, гэрээг цуцалжээ 8 цагийн өмнө
Байгаль орчны төсөлд ажиллах хүсэлтэй сайн дурын ажилтнуудын өргөдлийг ирэх сарын 23-ныг дуустал авна 8 цагийн өмнө
Эрдэнэбүрэнгийн УЦС-ын нөлөөлөлд автсан иргэн бүрт 15.1 сая төгрөг олгоно 8 цагийн өмнө