УИХ-ын гишүүн асан А.Сүхбатын хамаарал бүхий Түгээмэл түмэн хишиг ХХК-ны Хөгжлийн банкны зээлийн нийт үлдэгдэл 24 тэрбум төгрөгт хүрсэн бөгөөд өнөөдрийг хүртэл эргэн төлөлт хийгдээгүй хэвээр байна.
Хөгжлийн банкнаас зээлийн эргэн төлөлт хийгдэхгүй байгаа компаниудын барьцаа хөрөнгийг худалдан борлуулах замаар зээлийн төлөлтийг хангуулахаар ажиллаж байгаа юм. Тэгвэл тус компанийн барьцаалсан зочид буудал, үйлчилгээний зориулалттай барилга байгууламж бүхий нийт 10 үл хөдлөх хөрөнгийн зах зээлийн үнэлгээ нь 20 орчим тэрбум төгрөг хүрч байгаа юм. Үл хөдлөх хөрөнгийн дунд А.Сүхбатын өөрийн нэр дээрх 495 мкв орон сууц ч багтаж байна. Мөн тус компани зээл авахдаа 6 тэрбум төгрөгийн Ирээдүйд бий болох хөрөнгө барьцаалсан байна.
Хөгжлийн банкны найдваргүй зээлдэгч нарыг зарласнаас хойш 4 сарын хугацаа өнгөрсөн ч зээлийн эргэн төлөлт дөнгөж 200 тэрбум төгрөгт хүрээд буй. Тэгвэл энэ мэт хөрөнгийн барьцаа нь бодитой байгаа компаниудын үл хөдлөх хөрөнгийг борлуулж эхлэх нь эргэн төлөлтийг нэмэгдүүлэхэд чухал ач холбогдолтой байна.
27°C
Сэтгэгдэл (44)