Өнөөдөр (2022.05.26) өглөөний 06:30 минутад Орон сууц нийтийн аж ахуйн удирдах газар болон 19 салбар төвүүдийн ажилтнууд хамтдаа Сүхбаатарын талбайд “Илүүдэл жингүй эртэч Монгол” аянд нэгдэж дасгал хөдөлгөөн хийлээ. Энэхүү аяныг ирэх сарын 1-н хүртэлх хугацаанд зохион байгуулж байгаа ба Нийслэлийг 2021-2025 онд хөгжүүлэх таван жилийн үндсэн чиглэл, Нийслэлийн Засаг даргын бөгөөд Улаанбаатар хотын Захирагчийн 2020-2024 оны үйл ажиллагааны хөтөлбөрийн хүрээнд хэрэгжүүлж байгаа билээ. Энэ хүрээнд тус газрын салбар төвүүдийн ажилтнуудыг биеийн тамир, спортын үйл ажиллагаанд татан оролцуулах, хөдөлгөөний хомсдлоос урьдчилан сэргийлэх, эрүүл зөв амьдралын хэв маягийг хэвшүүлж дадал болгох зорилгоор Нийслэлийн дүүргүүдийн биеийн тамир, спортын байгууллагуудын спорт цогцолбор, Ерөнхий боловсролын сургуулийн биеийн тамирын зааланд 06:30-07:30 цагийн хороонд үнэ төлбөргүй дасгал хөдөлгөөн хийх ажлыг Спорт хамтлаг идэвхтэй зохион байгуулж байна.
Сэтгэгдэл (0)
Сэтгэгдэл бичигдээгүй байна