ЭМЯ-ны газрын дарга нар, Улсын Гуравдугаар төв эмнэлэг, ЭХЭМҮТ-ийн удирдлагууд “Ковид-19”-ийн нөхцөл байдал, сармагчны цэцэг өвчний талаар мэдээлэл хийлээ.
Мэдээллийн эхэнд тавдугаар сард 11-11 төвд ирсэн эрүүл мэндийн салбартай холбоотой өргөдөл гомдлын шийдвэрлэлтийг ЭМЯ-ны Төрийн захиргааны удирдлагын газрын дарга П.Эрхэмбаяр танилцуулав. Тэрбээр, “Шуурхай дуудлагын 11-11 дугаарт хандсан 354 иргэний 60 хувь нь гомдол ирүүлсэн нь өмнөх сарынхтай харьцуулахад өсөлттэй байна. Ирсэн гомдлын хувилбал 55.9 хувь нь эмнэлгийн тусламж үйлчилгээтэй, 14.7 хувь нь цав авах, 8.8 хувь нь эмнэлгийн ажилтны харилцаа хандлага, 7.9 хувь нь саналтай холбоотой, 20.6 хувь нь шинжилгээ вакцинтай холбоотой дуудлага, мэдээлэл иржээ. Түүнчлэн талархалтай холбоотой дуудлага 7 хувь байжээ.
Мөн тэрбээр өндөр настай иргэдийг эмнэлэгт дараалалгүй үйлчлүүлэх, хавдартай иргэдийг орон нутагт нь химийн эмчилгээг хийж болох, хүүхдийн эрт илрүүлэг, цаг авах үйлчилгээг хялбар чирэгдэлгүй, хүртээмжтэй болгож өгнө үү гэсэн санал ирснийг танилцуулав.
Үргэлжлүүлэн Улсын Гуравдугаар Төв Эмнэлгийн (УГТЭ) ерөнхий захирал, Анагаах ухааны доктор Ц.Төмөр-Очир "Зүрх мэдрэлийн тусламж үйлчилгээний ачаалал их байгаа. Үүнтэй холбоотойгоор эмч ажилчид амбулатори дээр хоёр ээлжээр ажиллаж эхэлсэн. Тиймээс үдээс хойш иргэд үйлчлүүлэх боломжтой" гэв.
Тодруулбал, амбулаторид 16:20 цагаас хойш хоёрдугаар ээлж нийт найман кабинетыг тогтмол ажиллуулж байгаа аж. Сувилагч мэргэжилтнүүдийг илүү цагаар ажиллаж лавлагааны шатны тусламж үйлчилгээг шуурхай үзүүлж байгаа. Ялангуяа, мэдрэлийн мэс заслын тусламж үйлчилгээ, тархи нуруу нугасны чиглэлийн тусламж үйлчилгээнд дээр хүлээгдэл их байгаа. Өмнө нь сарын хүлээгдэлтэй байсан бол тавдугаар сард арга хэмжээ аваад 20 хоног руу буюу арван хоногоор буулгаж ажиллаж байна" хэмээн мэдээллээ.
Сэтгэгдэл (0)
Сэтгэгдэл бичигдээгүй байна