Нийслэлийн иргэдийг Германд сургалт, дадлага хосолсон хөтөлбөрт хамруулна

М.Ариунжаргал

Өчигдөр

Нийслэлийн Засаг даргын Эдийн засгийн хөгжил, төр, хувийн хэвшлийн түншлэлийн асуудал хариуцсан нэгдүгээр орлогч Ж.Сандагсүрэн өчигдөр ХБНГУ-ын “FAV Service” ХХК-ийн гүйцэтгэх захирал Х.Шупер тэргүүтэй төлөөлөгчдийг хүлээн авч уулзлаа. Тэд Улаанбаатар хотын иргэдийг ХБНГУ-д мэргэжлийн сургалт, дадлага хосолсон хөтөлбөрт хамруулахад хамтран ажиллах асуудлаар санал солилцсон юм.

Уулзалтын эхэнд Нийслэлийн Засаг даргын орлогч Ж.Сандагсүрэн боловсон хүчин бэлтгэх чиглэлээр хамтын ажиллагааны саналыг талархан хүлээн авч, санамж бичгийн төсөлд саналаа тусган, зохих журмын дагуу байгуулахад бэлэн гэж мэдэгдлээ.

ХБНГУ-ын “FAV Service” ХХК-ийн гүйцэтгэх захирал Х.Шупер Монгол Улс төдийгүй ХБНГУ-д Төрөлжсөн мэргэжлийн болон мэргэжил дээшлүүлэх сургалтад суралцах иргэдийн тоо багассан болохыг хэлж байлаа. Тэрбээр мэргэшсэн боловсон хүчин бэлтгэх чиглэлд хамтран ажиллаж буйд баяртай байгаагаа илэрхийлэв. Түүнчлэн энэхүү хосолсон сургалтын хөтөлбөрийн мэдээлэл иргэдийн дунд дутмаг байгааг хэлээд, энэ тал дээр сайтар анхаарч ажиллах хэрэгтэй гэсэн юм.

Сэтгэгдэл (5)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.

124.158.90.3

23 цагийн өмнө

нэг монгол эрдэмтэн заачих юмыг юу н герман монгол хүнээ үнэлдэггүй та нарын ухааны дүн харагдаад байх юм жаахан ичиж амьдараач

Хариулах

139.5.216.244

Өчигдөр

Битгий татварын мөнгө үр хулгайчидаа тэнд очоод архидаж дэлгүүр хэсэж шоудаж бгаад л ирдэг хүмүүсээ сэтгүүлчидээ үүнийг таслан зогсоо!!!!!

Хариулах

66.181.160.33

Өчигдөр

хэлийг нь сураад явахад бэлдсэн хүүхэд залуучууд зөндөө байна, яаж явах вэ? нас заах уу?

Хариулах