Үндэсний соёл амралтын хүрээлэнгийн газрын 85 хувь нь ногоон байгууламж болно

М.Ариунжаргал
2022/06/04

УИХ дахь Улаанбаатар хотын хөгжлийн асуудал эрхэлсэн Түр хорооны санаачилгаар зохион байгуулж байгаа нийслэл хотын хөгжлийн бодлого, тохижилт, амралт зугаалга, ногоон байгууламж, цэцэрлэгжүүлэлтийн төлөвлөлт зэрэг асуудлаарх хэлэлцүүлэг, уулзалт үргэлжилж байна.

Энэ үеэр Нийслэлийн Ерөнхий архитектор Н.Нацагдорж Улаанбаатар хотод хийхээр төлөвлөсөн амралт зугаалга, ногоон байгууламжийн  талаар танилцуулсан. Тэрбээр “Нийслэлийн хэмжээнд ногоон байгууламжийг нэмэгдүүлэхэд анхааран ажиллаж байна. Тохижилт, ногоон байгууламж, явган замын төлөвлөлтүүдийг хийсэн. Маршалын гүүрний зүүн талын хэсэгт 5 га талбайг эзлэх тохижилтын ажлыг төлөвлөж, зураг төсөл нь гарсан байгаа. Тухайлбал, явган зам, ногоон байгууламжийг нэмэгдүүлэх, иргэдийн амарч зугаалах талбай, дугуйн замын шийдлүүдийг багтаасан. Хөрөнгийн асуудал шийдэгдвэл цаашдаа үргэлжлээд явах бололцоотой.

Түүнчлэн нийтийн эдэлбэр газрыг сайжруулах арга хэмжээний хүрээнд гарааш, хашаа, хайс чөлөөлөх, тохижуулах зэрэг олон ажлыг хийж байна. Тухайлбал, чөлөөлсөн байршлуудад давхар авто зогсоол, газар доорх гараашийн тохижилтын шийдлүүд гарсан. Тохижилт хийх байршлуудад зураг төслийн ажил хийж байна. Мөн Үндэсний соёл амралтын хүрээлэнгийн нийт 35 га газрын 85 хувь нь ногоон байгууламж болно. Явган хүний зам, дугуйн зам, ногоон байгууламжийг цогцоор нь хийж хэрэгжүүлэх юм” гэлээ.

ХОТЫН НОГООН БАЙГУУЛАМЖ 637.7 ГА ТАЛБАЙГ ЭЗЭЛЖ БАЙНА

Улаанбаатар хотын Ерөнхий менежер бөгөөд Захирагчийн ажлын албаны дарга Д.Ганболд хотын тохижилт, ногоон байгууламж, цэцэрлэгжүүлэлтийн төлөвлөлт, дүүрэг бүрд хэрэгжүүлж байгаа зөвшөөрөлгүй барьсан гарааш, хашаа, хайс буулган тохижуулсан ажлуудын талаар танилцууллаа. Тэрбээр  “2022 онд хэрэгжих 59 төсөл, арга хэмжээ байгаа. Хотын ногоон байгууламжийн хэмжээ 637.7 га талбайг эзэлж байна. ДЭМБ-аас нэг хүнд ногдох ногоон байгууламжийн хэмжээг дунджаар 9 м2 гэж заасан. Дэлхийн хэмжээнд нэг хүнд ногдох ногоон байгууламжийн хэмжээ 16-24 м2 байдаг. Манай хотын хувьд ойролцоогоор 5.5 м2 байгаа. Усан сан буюу хиймэл нуур барьж байгуулах, ай савууд дээр усан цөөрмийг бий болговол агаар, усны бохирдол, тоосжилтыг багасгаж, чийгшил нэмэгдэх хэрээр ногоон байгууламж, ойжуулалтад таатай нөхцөлийг бүрдүүлнэ. Гадаргын усыг цуглуулж нуур, цөөрөм бий болгосноор Монгол Улсын Ерөнхийлөгчийн санаачилсан “Тэрбум мод” үндэсний хөдөлгөөнийг цогцоор нь хэрэгжүүлэх шийдэл болно. Мөн гарааш, хашаа хайс, явган хүний замын хөдөлгөөнд саад учруулж буй объектыг чөлөөлөх ажлуудыг хийж байгаа” хэмээлээ. Түүнчлэн газар хийгээд мөнгө нь байх юм бол 10 давхар барилгыг нэг жилийн дотор барина. Харин мод арчилж ургуулахад багадаа 10 жил шаардлагатай гэдгийг хэлж байлаа.

НИЙСЛЭЛИЙН СУРГАЛТ, СУДАЛГАА, ОЛОН НИЙТТЭЙ ХАРИЛЦАХ ГАЗАР


0
angry
0
care
0
haha
0
liked
0
love
0
sad
0
wow

Сэтгэгдэл (8)

ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
202.21.100.210
2022/06/06
0
0
хотын дарга гэх боовон чихтэй дуракын өмссөн хувцасыг нь хараад байгаарай яг гудамжны дурак шүү
Хариулах
209.89.142.86
2022/06/06
0
0
Saihan medee baina. Manaihan uul ni anh ih goy yum hiij baiguuladag, daanch daraah uilchilgee, tseverlegee, zasvar togtmol hiideggui ulmaas hiisen buteel ni hurdan muudaj ungu alddag. Ene udaad park deer haruul hamgaalalt ajiluulaad, tseverlegeenii uilchlegch ajiltan bainga ajiluulaad mun tsag tuhaid ni bainga zasvar, archilgaa hiivel urt hugatsaand bid bugdend heregtei.
Хариулах
202.126.92.98
2022/06/06
0
0
Дэмжиж байна. Гэвч ногоон байгууламж цэцэрлэгт хүрээлэн, хүүхдийн тоглоомын сааданд чинь архи тамхи өдөр шөнөгүй хэрэглэж нус цэр, шүлсээ хаяж, цаашлаад бие засаж бохирдуулаад байна. /цахимаар бодит жишээ олон тавиндсан/ Тамхины тухай хууль огт хэрэгжихгүй байна. Энэ асуудалтай тууштай тэмцэж арга хэмжээ авахгүй бол юу ч хийж бүтээгээд нэмэр алга байна.
Хариулах
64.119.19.24
2022/06/06
0
0
За даа, дарга нар ингэж олноороо очоод, сүр сүр мэдэгдэл хийгээд л, гоё гоё юм амлахаараа л яг тэр амлаад байсан юмныхаа эсрэг үйл ажиллагаа явуулдаг юм даа. Харж л байхаас.
Хариулах
192.82.72.248
2022/06/05
0
0
МИ ОВОГТ ЭНХВОЛД НАРАНХУГИИН БУХ ХУРУНГУ ГАЗРИГ ХУРАЖ АВ
Хариулах
2601:243:197e:8fc0:f12c:e333:e19b:7f3b
2022/06/05
0
0
torgyi ylsyum chuny 10 xurexgyi deeremchind bugdeeree atguulsan zayagyi uls daa yaj ch chdaxgyi
Хариулах
66.181.160.79
2022/06/04
0
0
миеэ энхболдоос эхлээд сумтайбузар хүртэл МАНингийн хулгайчуудын гайгаар улаанбаатар хүн амьдрах аргагүй болж хувирсан
Хариулах
192.82.71.147
2022/06/04
0
0
Наранхүү мэтээс хүүхдийн паркын газраас хулгайлсан хэсгийг буцааж аваач
Хариулах
Шинэ мэдээ
Арилжааны 9 банкинд торгох шийтгэл ногдууллаа Өчигдөр
Samsung Galaxy Z Flip4 болон Galaxy Z Fold4 утсууд нь ухаалаг утасны зах зээлийн хэвшмэл байдлыг үүрд өөрчиллөө Өчигдөр
2022 оны ЭЕШ-ын дүнгээр тэргүүлсэн сургуулиуд Өчигдөр
ЭМГЭНЭЛ Өчигдөр
Малчин цэрэг мориноос унаж, хүнд гэмтэл аван ГССҮТ-д нисдэг тэргээр хүргэгдлээ Өчигдөр
Л.Оюун-Эрдэнэ: Хөшигийн хөндийд шинэ хот цогцлоох их бүтээн байгуулалтын инженерийн дэд бүтцийн ажлыг эхлүүлж байна Өчигдөр
Эрэн хайж байсан 13 настай Т-ийн цогцос Хорих 461-р анги орчмын тогтоол уснаас олджээ Өчигдөр
Нарангийн энгэр, Цагаан давааны хогийн цэгт 30 га газрыг нөхөн сэргээв Өчигдөр
Усны түвшин 5-10 см нэмэгдэж, олон жилийн дундаж түвшинг даван үерлэх хандлагатай байна Өчигдөр
УНТЭ 30 ажилтанд 30 сая төгрөгийн орон сууцны урьдчилгаа олгоно Өчигдөр
Mercedes болон Geely-ийн хамтарч бүтээсэн Smart цахилгаан автомашин 2022 онд олон улсад нээлтээ хийнэ Өчигдөр
Өнөөдөр “Олон улсын залуучуудын өдөр” Өчигдөр
Өчигдөр нийт 143 хүн эрүүлжүүлэгдэж, согтуугаар тээврийн хэрэгсэл жолоодсон 114 зөрчил илэрчээ Өчигдөр
Тэтгэлэгт хөтөлбөрөөр Цүкүбагийн их сургуульд суралцана Өчигдөр
Өнөөдрөөс Энхтайваны гүүрний зүүн талаас Махатма Гандийн гудамж хүртэлх замыг хаана Өчигдөр
Зарим нутгаар дуу цахилгаантай аадар бороо орно Өчигдөр
Эрүүл ирээдүйн төлөө "Colgate" брэнд Архангай аймгийн 700 гаруй хүүхдэд амны хөндийн үзлэг оношилгоог үнэ төлбөргүй хийлээ 2022/08/11
“Чухал амжилт” сургалтын төв мэргэжлийн ромбо, дипломтой төгсөх хагас жилийн ангидаа элсэлт авч эхэллээ 2022/08/11
Төрхүүг Нөмрөгийн Дархан цаазат газарт нь эргүүлэн тавилаа 2022/08/11
Хувийн цэцэрлэгүүдэд хамран сургах тойргийн нийт 10330 хүүхдийг нэмэлтээр элсүүлэн сургана 2022/08/11