МҮОХ-ны байрны өмнөх "Бөртэ чоно" цогцолборыг иргэдэд нээлттэй, ногоон байгууламж бүхий талбай болгох ажлын эхлэл болгож өнөөдөр тоосгон хашааг нураалаа. Ингэснээр энэ сарын 26-ны өдөр буюу Олимпын өдрөөс өмнө ногоон байгууламж бүхий спорт талбай болгон тохижуулах юм.
Хашааг буулгаж зүлэгжүүлэх мод тарих ажлыг хийхээр болжээ. Өнгөрсөн 3-р сард болсон МҮОХ-ны чуулганаар шинэ удирдлага томилогдсон. Тэгвэл тус хорооны Ерөнхийлөгч Б.Баттүшиг хэлэхдээ "Тамирчид, хүүхэд залуучууддаа ээлтэй, спортоор хичээллэх боломжтой талбай, заал танхимыг илүү олон болгох зорилтын хүрээнд хийгдэх нөр их ажлыг спорт-Олимпизмын их гэр бүлийн гишүүд, спорт холбоодтойгоо хамтран ойрын хугацаанд хийх болно. МҮОХ-ны өмнөх талбайгаас эхлүүллээ" хэмээн цахим хуудсандаа мэдэгджээ.
Сэтгэгдэл (0)
Сэтгэгдэл бичигдээгүй байна