Энэ сарын 3-ны өдөр Баянзүрх дүүргийн 20 дугаар хороо Туул голд 40 настай, эрэгтэй С голын усанд осолдсон байсныг аврагчид 2-3 удаагийн шумбалтаар осолдсон газраас 3 метр, эргээс 40 метрийн зайтай 2 метрийн гүнээс цогцосыг гаргаж цагдаагийн байгууллагад хүлээлгэн өгсөн. Энэ мэтчилэн урин дулаан цагт иргэд амарч зугаалахдаа анхаарал болгоомжгүйн улмаас гол усанд осолдож амиа алдах тохиолдол их гардаг юм.
Ойрын өдрүүдэд ихэнх нутгаар усархаг, аадар бороо орсонтой холбоотой зарим голын усны түвшин 10-70 см нэмэгдсэн байна.
Тиймээс жил бүрийн энэ үед иргэд голын усанд осолдож амь насаа алдах эрсдэл, дуудлага, мэдээлэл нэмэгддэг тул:
• Гол, мөрөн нуурын ойролцоо амарч зугаалахдаа сонор, сэрэмжтэй байх,
• Хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах,
• Согтууруулах ундаа хэрэглэсэн үедээ гол усанд орохгүй байх,
• Баталгаатай гүүр, гарам, гарцтай газраар автомашинтай зорчиж гол, усны ослоос урьдчилан сэргийлэхийг нийслэлийн Онцгой байдлын газраас анхааруулж байна.
Сэтгэгдэл (0)
Сэтгэгдэл бичигдээгүй байна