Богдхан амралтын газрын шавар гэрүүдийг өнгөрөгч тавдугаар сарын 30-ны өглөө үүрийн 04:00 цаг орчимд нийслэлээс буулгасан. Их хотын өнгө үзэмжийг бодож байна гэх нийслэлийн удирдлага нэгэн ААН-ийг дээрэмдэн тоносон үйлдэл хийлээ гэжм тус амралтын баазын ажилтнууд дуу хоолойгоо илэрхийлсээр байгаа бол уг асуудалд УИХ-ын гишүүн Н.Энхболд дараах тайлбарыг өгсөн юм.
Тэрбээр "Зөвхөн өнгө үзэмж гэдэг шалтгаанаар нурааж болохгүй л дээ. Газар эзэмшихтэй холбоотой, урьдчилан сануулсан, гэрээ хэлцэл явж байсан зүйл байдаг уу? гээд нарийн ширийн асуудлыг нь мэдэхгүй байна. Ер нь зүгээр зарчмын хувьд хүний хувийн өмч хөрөнгийг ямар ч тохиолдол төрийн байгууллага хуулийн үндэслэл хангахгүйгээр буулгаж болохгүй шүү дээ. Огт байж болохгүй зүйл. Үндсэн хуульд хүртэл энэ тухай заалт бий. Бүх хэвшлийн хувийн олон нийтийн өмч хөрөнгийг шүүхийн шийдвэргүйгээр булааж авах нураах эвдлэх байж болохгүй" гэлээ.
Сэтгэгдэл (0)
Сэтгэгдэл бичигдээгүй байна